Read Gangte SAM 24 Bible Online

SAM 24 - Gangte bible

SAM 24

¹Lei leh a sunga um chengcheng hi LALPA a ahii; Khawvel leh a sunga um cheng chengte tawh.

²Tuipi chungah a muhdawk ahi ngâla, Tuisuohgiet haw chunga a ma’n a phuhdet ahi ngâl a,

³LALPA tângah kuo a kalto a, A mun thiengtho a kuo a ding ding?

⁴Khut ngim leh lunggil thiengtho nei a, A lungthim bangmah lo maimai a kawih ngei lo a, Diklo taka kihâksiel kha lo mi chuh.

⁵A mah chun LALPA kawm apat in vangsakna dawl intin, A hukdampa Pathien kawm apat panpihna dawng ina.

⁶Nam amah hawlte chuh zie tawbang mite chuh ahi, Jakob Pathien mel hawlte chuh. Selah

⁷Aw kulhkawtkhak te haw, na luchang hawu kha dawm sang unla; Nang uh kawtkhak lunte haw kikhai sang un: Tichun lopi na LAL chuh a hung lut theih na dingin.

⁸Lopi na LAL chuh kuo ahi? LALPA hattak leh thilhih thei tak, LALPA, kido na a thilhih thei tak chuh ahi.

⁹Aw kulhkawtkhak te haw, na luchang hawu kha dawm sang un la, Ahi, kawtkhak lunte haw, dawm sang un: Tichun lopi na LAL hi a hunglut theih na dingin.

¹⁰Zie lopi na LAL chuh kuo ahi? Sepaihte LALPA chuh, A mah ngêi hi lopina LALPA chuh ahi. Selah