Read Gangte SAM 27 Bible Online

SAM 27 - Gangte bible

SAM 27

¹LALPA chuh ka vak leh ka hukdamna ahi; kuo ahi ka kihchak ding? LALPA chuh ka hinna insang ahi; kuo ahi ka lauh ding?

²Thil phalo hih haw, ei dote leh ka melmate chun, ka sa nek guo a ei kisuolpih lai u khan, A kisui u a, a puk hawn tau a.

³Sepaih hawn in ei kisuolpih guon ei ûmkimvel mah leu, Ka lungthim hi lau puo’n a: Ei kidopih mahleu le, kimuong takin um zing ka.

⁴LALPA kieng ah thil khat ka ngên a, zie mawng chuh hawl ing ka; LALPA hawihna mu ding leh ka damsung cheng a Temple a a thu dawng ding leh LALPA In a ka um zing theih na dingin.

⁵Lungkham ni leh a bukcha a ei kawih gu ding a hih ziek in, A humbitna puon-In a chun ei sel gu’n tin, Suongpi chung sang tak ah ei dawm kai ina.

⁶Tuhin ka luchang hi ka kimvela ka melmate chungah sang taka dawpkang in um in tin, Khutichun a puon-In achun kipahna kithawihna lân ing ka ting; La sang ka ting, ahi, LALPA pakcha’n la sang ka.

⁷Aw LALPA, ngeih taka ka hun uou hi ngaitha’n la: Ei hehpih inla, ei dâwng in.

⁸“Ka mel hawl un,” ti a na gen lai khan; ka lunggil chun na kieng ah, “LALPA na mel hawl ing ka,” ka ti a.

⁹Kei ahin na mai sel ki’n la; Na suok hi lungna’n kihei mangsan ki’n la: Nang chuh ei panpih pên na hi sek a; ei paih tha ki’n la, ei taihsan hiel ki’n. Aw ka Hukdamna Pathien!

¹⁰Ka nu leh ka pa chun ei taihsan mahleu le, LALPA chun ei pawm in a.

¹¹Aw LALPA, na lampi chuh ei sinsak inla; Ka melmate ziek hin lam phei tak ah ei pui inla.

¹²Ei do te’n a ut dân tak u a ei bawl dingun ei pie dawk ki’n: Hetpih lêm te a hung kipan u a, pawngbawlna thu a sietdawk zing ui.

¹³Mihing gam ahin, LALPA phatna muh kinem kivang leng sawlsam ta veng ka ti.

¹⁴LALPA chuh ngâk zing in; hattak in um inla, na lunggil chuh hangsan henla, A hi, LALPA chuh ngak zing in!