Read Gangte SAM 28 Bible Online

SAM 28 - Gangte bible

SAM 28

¹LALPA, nang ka hun sam hi; Ka suongpi, kei ahin na beng sungawng ki’n la; Khutilochun, nang in nei taihsan chun, Kawkhuk a lut suk te bang mai in um kha khang ka.

²Ka hun sapa, ka khut haw hi na Ho-In munthiengtho a ka zak chun Lungsiet ka ngetna aw haw hi ngaitha’n la.

³Minunsiete lak leh thil gilo hihte lak achun, Ei kaimang khawm ki’n la; Ziete chun a vengteu kawmah chamna thu a gen sek u a, Himahlele a lungthim hawu a chun thil gilo hihna a um zing ngâla.

⁴A thilhih guol mah un, a thil hihteu a gitloh bang phet un din inla: A khut uh a a nasep bang phet un din inla; A gitloh man uh muh sak in.

⁵LALPA nasep te leh, A khuta a thilhih chuh a ngaihsakloh ziekun, A mah chun amau haw chuh siempha lo in hih sie’n a.

⁶LALPA chuh pahchak in um hen, Lungsiet ka ngetna haw hi ei ngaihthak sak ngâla.

⁷LALPA chuh ka hatna leh ka phaw ahi; Ka lunggil in amah chuh ka gingcha a, tichun panpih in ka um a; Zieziekchun ka lunggil hi nasatak in a kipâk a; Ka la hin a mah pakcha’ng ka.

⁸LALPA chuh a mite hatna ahi a, Sathau nuh a umpa ding chun hukdamna kulhsang ahi.

⁹Na mite hukdam inla, na go luoh ding chuh vangsak in: A Belampuu hi’n la, kumlekhuo’n amau chuh enkawl in.