Read Gangte SAM 29 Bible Online

SAM 29 - Gangte bible

SAM 29

¹Aw van a thilsiemte haw, LALPA kawmah pieu inla, LALPA kawm achun lopi na leh hatna pieu inla.

²LALPA kawmah a min lopi na chuh pieu inla, Thientho kilawmna silh in LALPA chuh ho un.

³LALPA aw chuh tui chung haw achun a gi a: Lopi na Pathien chuh ahung gi dul dul a, LALPA ngêi chuh tui tamtak chung haw achun a hung gi a.

⁴LALPA Aw chuh thilhih thei tak ahi a; LALPA aw chuh lopi na a dim ahi.

⁵LALPA aw chun Sidar haw chuh thing bawng intin; Ahi, LALPA chun Lebanon tânga sidar haw chuh a thing bawng gei gui sek.

⁶Amah chun Lebanon chuh bâwngno kithawh bangin a chawp sak sek a; Sirion tâng haw chuh gam bâwngno bang in.

⁷LALPA aw chuh meikuong in a kikhawh dawk a.

⁸LALPA aw chun gamthip a sulîng a; LALPA chun Kadesh gamthip chuh a sulîng sek.

⁹LALPA aw chun sazukpi haw chuh a no a siet sak a, Gammâng thing nah haw chuh a nuoi geu vek sek a: A Ho-In achun thil bangkim, “A lopi ie,” a ti chiet sek ui.

¹⁰LALPA chuh tuilien chungah lal in a chu a, Ahi, LALPA chuh kumkhuo a dingin LAL in a chu a.

¹¹LALPA chun a mite kawmah hatna pien tin, LALPA chun a mite chu thamuonna chun vangsak ina.