Read Gangte SAM 3 Bible Online

SAM 3 - Gangte bible

SAM 3

¹LALPA, kei ei dote hi a pung ta na mai zên u e! Ei kisuolpih haw hi tam pi ahiu hi.

²“Pathien achun amah a dingin panpihna mawng mawng a um puoi,” a ti a. Ka hinna chungchâng thugen haw chuh tampi a um ui. Selah

³Himahlele, aw LALPA, nang chuh ka kimvela ka phaw na hi ie; Ka lopi na leh ka luchang dawm kâng pên na hi a.

⁴Ka aw chun ngeih tak in LALPA ka uou a, A tâng thiengtho apat chun ei dâwng seka. Selah.

⁵Kei ka kuol chuh ka na ipmu ta a! Ka khanglo kita LALPA chun ei na tu zing sek hi.

⁶Ei do a, ei ûmsuok te chuh, Mi singkhat hilele lau puo’ng ka.

⁷Aw LALPA, tho inla, aw ka Pathien ei hukdam in; Ei dote chengcheng chuh a bieng guh uh na khet gawp sak ta ngâla; Pathien ngaihsaklo te ha chuh subal in.

⁸Hukdamna hi LALPA a ahi: Na vangsakna chuh na mite chungah um hen. Selah