Read Gangte SAM 32 Bible Online

SAM 32 - Gangte bible

SAM 32

¹A sukkhelhna ngaihdam a uma, a gitlohna lieh khuh a um chuh a hamphai.

²LALPA’n thiemlohna nei a a guot loh a, A thagau lepbawlna mawngmawng umlo chuh a hamphau hi.

³Thipkei in ka uma, nichang tuma ka tau na ziekin ka taksa a sie zo ta a,

⁴Sun leh zan in na khut in nei delh khum ngâla; Ka taksa hatna le khalbakchang in, thil a kâkgawt bangin a gaw zo hiel kha.

⁵Ka gitlohna chuh na kieng ah ka phuong a, Ka thulimlohna ka îm puoh a; Ka sukkhelhna chuh LALPA kawmah thupha chawi ta’ng ka, ka ti a; Khutichun ka gitlohna-gitlohnate chuh na ngaidam ta kha. Selah

⁶Khutichun, Pathien limsak mitin in hawl baihlam a a um lai in, na kawmah paucham chiet u hen; lungkham na tui a hung kinawk tieng lele amau chuh chup pai zieng puo’n a.

⁷Nang chuh ka kisêlna mun na hi a, nang chun lungkham na lak ah nei humbit a; suohchakna la hawn nei ûmkimvel sak a.

⁸Na chiehna lampi chuh hun hetsak in hun sinsak ing ka ting; Ka mita hun en zing kawm in hun lemguot sak ing ka, Hetthiemna nei gun lo sakawl leh sabiltung haw bangin um kiu in,

⁹a hinnau chuh kaihheina thikpeh leh sahdinna khau mamawh ahiu hi, Khutilochun na kieng nai ah hung puo’n au.

¹⁰Minunsie a ding chun lungkhamna tampi um intin; LALPA taksangte vang chuh chitna’n ûmkimvel zaw’n a.

¹¹Aw mi diktatte, LALPA achun kipâk in lung-âwi unla; Aw nanguh lunggil diktak pu chengcheng te haw, lâwpin kiko un.