Read Gangte SAM 43 Bible Online

SAM 43 - Gangte bible

SAM 43

¹Aw Pathien, vai ei hawm sak inla, Pathien limsak lo nam chung ahin ka thu ei genpih in: Aw, lepbawl nuom leh mi diklo lak ahin ei humbit in.

²Nang chuh ka kisêlna Pathien na hi ngâla, bang atih leh ei pampaih na him? Bangatih leh melma te nuoisieh na zieka lungkham a ka mau viel viel sek a?

³Aw, na vak leh na thutak chuh sawldawk inla, amau chun ei pui u hen la: Na tâng thiengtho leh Na umna haw chuh ei tut in.

⁴Khutichun Pathien maichâm kieng ah chieh ing ka ting, Pathien ka lawpna mah mah kawm achun: Aw ka Pathien, ka Pathien kingkang in hun pakcha’ng ka ting.

⁵Aw ka hinna, bang ding a khun zing? Bangatih leh ka sung ahi buoi zing na him? Pathien kineppih in: amah chuh ka mel hihdampa ahi a, ka Pathien chuh pakcha kit ding ka hi ngâla.