Read Gangte SAM 44 Bible Online

SAM 44 - Gangte bible

SAM 44

¹Aw Pathien ni dang lai a na thilhih haw kha ei suonteu in a damlai un ei hilh u a, ka nakhang un ka zau a.

²Nang mah khut ngêi in namtin chuh na nawhdawk a, himahleh, amau chuh na phut ta a; Mipite chuh na sugimthei a, amau chu na suohchak sak a.

³Gam hi amauhawn chemzâma a zawh uh ahi puoh a, Amau haw khuta guolzo ahi diek puou: himahleh, a chung u a na kipâk ziekin na khut changlam leh, na bân leh, na melvak in ahi zawi.

⁴Nang chuh ka LAL leh ka Pathien na hi: Jakob chuh guolzo dingin thu na pie a.

⁵Nangmah ziekin ei suol haw chuh chil diek diek ung ka tingun.

⁶Ka thalpo hi gingcha ding ka hi puoh ngâla, Ka chemzâm hinle ei hukdam chuom puo’n a.

⁷Ei dote lak achun nangin nei hukdam zaw ta ngâla, Ei mu nuom lo haw chuh na sumuolpho zaw ta ngâla.

⁸Sun nichangtum in Pathien ka suong u a, Na min chuh kumlekhuo’n pakcha’ng ka ting, Selah

⁹Tuhin vang chuh nangin nei pampaih a, nei suzakcha a; Ka sepaih hawu lak ale na chieh kha ta puoh a.

¹⁰Ei dote lak achun nei taihsiet sak sek a: Ei mu nuom lo haw chun sum chu a ut un a kilak sek u a.

¹¹Belam thah ding bangin nei kawih a, Namtin lak ah nei thehzak behlap a.

¹²Na mite hi bangmah lo in nei zuok ta a, A man u chuh tawmcha na ngek a.

¹³Nangin ka vel u a mihaw gensiet in nei um saka, Ka nai tuom u a mi haw muh sit leh nuihsan in nei um sak ta ngâla.

¹⁴Nangin namtin lak ah a sie lam tehkalna’n nei umsak a, Mitin laka mite luchang thin khum inle nei um sak a.

¹⁵Ka zahchâkna hi ni changtum in ka masangah a um seka, Ka muolpho na hin ei khuh zo tai.

¹⁶Gen thanghuoi leh gensie te aw ziek leh, Melma leh phuba lapa ziekin.

¹⁷Ziehaw chengcheng chu ka chungah a tunga; himahleh ka hun hengilh kha puou a, Na thugawlh hih ka kilepsan kha puou.

¹⁸Ka lunggil u hi a kilehhei kit puoh a, Ka kalsuon u haw hin na lampi chu a petsan kha diek puoi.

¹⁹Nangin Si-âl haw umna ah nei sawisa ek a, Thihna lima nei khuh na dingin.

²⁰Ka Pathien min u chuh ka hetngilh u a, Gam dang Pathien lama ka khut hawu ka zak u chun.

²¹Pathien in zie chuh mudawk lo ding maw? Amah chun lunggil a thuguk haw hi a hezing ngâla.

²²Ahi, nang ziekin ni tum in thah in ka um sek ui; Belam thah ding haw banga ngaih ka hiu hi.

²³Aw LALPA, halh ta’n la, bang dinga ipmu na hi? Tho dawk inla kumlekhuo’n ei paih tha ki’n.

²⁴Bang ziek a na mai na sel ahi? Ka gimtheih zieu leh nuoisiehna ka thuok zieu hi bang zieka na hetngilh sek ahi?

²⁵Ka hinna hi leivui ah a tum suk a; Ka taksau lah lei ah a bek chak kêi ngâla.

²⁶Ei panpih dingin tho inla, Na nunnemna ziekin ei hukdawk in.