Read Gangte SAM 45 Bible Online

SAM 45 - Gangte bible

SAM 45

¹Ka lunggil hi thilpha’n a let zungzung a: Lalpen chung thu a ka thil phuok chu gen ding ka hi: Ka lei hi lehkha zik thiem takte kawlawm tawbang ahi.

²Mihiem chate lak ah na hawih pena; Lungsietna hi na mûk a sun khum ahi: Zieziekchun Pathien in kumlekhuo a dingin a hun vangsak ahi.

³Aw, mihat, na chemzâm na kâwng ah vawp in, Na lopina leh na kilawmna tawh.

⁴Thutak leh thunuoigawlh na leh diktat na ziekin, Na kilawmna’n kivan in lamzang tak in sakawl chunga chun chieh zel inla: Tichun na khut changlam chun thil huoisie takte hun sinsak ding ahi.

⁵Na thalchang chuh a hiem a: Mitin chuh na nuoi ah a puk sek u a; Lalpen dote lunggil achun a chang zing a.

⁶Aw Pathien, na lalchutphah chuh kumlekhuo’n um ding ahi: na lal tiengkhut chuh uoh chuom neih loh na lal tiengkhut ahi.

⁷Diktatna chuh na deihchuom a, nunsietna chuh na haw a; Zieziekchun, Pathien, na Pathien chun, na lawite sanga nasa zawn Kipahna sathau a hun nuh ta hi.

⁸Na silhlechen haw chuh murra leh, aloe gimte leh cassia gimlim anam vengvung a; Saiha a siem lal In haw a kingkang chi chuom chuom gi hung pawt haw chun a hun sukipak ahi hi.

⁹Na numei zahum te lak achun lengte chanu le a tel u a: Na changlam achun ophir sana a kizêm in lengnu chuh a ding a.

¹⁰Aw, ka chanu, ngaitha’n la, ngaihtuoh inla, na nakhang dawh in; Na mite leh na pa inkawte chu hengilh in;

¹¹Khutichun leng in na mel hawihtak hi utcha ding hi ven: Amah chuh na lal ahih ziekin, a masang achun khun in.

¹²Tura chanu chu thilpiek chawiin zie chun um intin; Mi laka neizo haw chun na lungsietna ngên un au.

¹³Lal chanu chuh a leng insung achun a kichei a: A silhlechen chuh sana a zemhawih ahi.

¹⁴Puon zem hawihtak a kivan in lalpen kawmah pui untin: A nung achun a nungzui nungak thiengte haw chun zui un au.

¹⁵Amau chuh kipâk leh lawp tak in pui intin uh: Lalpen In achun lut un au.

¹⁶Na pilepute sik in, Aw lengpa, chapa te hun nei ina: A mau chuh lei chung chengcheng a hin leng in siem inla.

¹⁷Na min hi khang chengcheng a hetzing dingin siem ing ka ting: Khutichun, mitin in kumlekhuo’n hun pakcha ta’n au.