Read Gangte SAM 46 Bible Online

SAM 46 - Gangte bible

SAM 46

¹Pathien chuh I kihumbitnau leh I hât nau, Lungdawn laia panpih pai zieng nai zing ahi.

²Zieziekchun lei hi hung zatchuom in, Tang haw hi tuisuohgiet sung pek ah kichawn mahlele lau hiel puo’ng ka ting;

³Atui haw chuh gi hum hum in phul lut lut mahleh A kinawk nasat ziekin tâng haw hi lîng dul dul mahleh lau diek puo’ng ka. Selah.

⁴Lui khat aum a, zie ka haw chun Pathien khawpi chuh a sukipak sek hi, Chungnung pên pa um na mun thiengtho chuh.

⁵Pathien chuh a lak u ah a um a; kilîng puo’n a: Pathien in khawvak thak tak leh panpih ina.

⁶Namtin cheng chuh a kichawk u a, lal gam haw chuh a kilîng a A mah chun a aw a suoh a, lei chung hi ahung tuimang zo ta a.

⁷Sepaih hawnte LALPA chuh I kawm u ah a um a; Jakob Pathien chuh I insang uh ahi.

⁸Hung unla, LALPA thilhih haw hi entiem u, Lei chunga thil ahih siet ziehaw hih.

⁹A mah chun kido na haw hi kâwlmawng chan in a suhai sek a; Thalpo chuh ahih bawnga, tiengcha chu sattan seka; Kangtalai haw chu mei in a hâl mang sek a.

¹⁰Thip unla, Pathien ka hi tih hi heu in: Namte cheng lak ah chawih sa’n in um ing ka ting, lei ahin chawihsân in um ing ka.

¹¹Sepaihte LALPA chuh ka kawmah a um a; Jakob Pathien chuh I kulh insang uh ahi. Selah