Read Gangte SAM 47 Bible Online

SAM 47 - Gangte bible

SAM 47

¹Aw mitin chengte haw, na khut uh bêng unla; Kipahna aw’n Pathien kieng ah kiko un.

²LALPA Chungnung pên chuh a lauh um ngâla: Lei chung chengcheng ah leng lopi tak ahi.

³A man mitin chuh I nuoi u ah kawihniem intin, Namtin chuh I keng nuoi u ah kawihniem ina.

⁴A mah chun I go luoh ding u chuh ei tel sak intin. A hehpih Jakob kisuonpih pên gam chuh. Selah

⁵Pathien chuh kiko husa tawh a chieh to a, LALPA chuh Pêngkun gi tawh a chieh to tai.

⁶Pathien pakcha’n la sau inla, pahchakna na la sau in: I Lal pên uh pakcha’n la sau inla, pakcha’n la sau in.

⁷Pathien chuh khawvel chengcheng Lal ahi ngâla: Amah pakcha’n la sau in.

⁸Pathien chuh namtin chungah Lal in a chu a: Pathien chuh a lalchutphah thiengtho ah a chu a.

⁹Abraham Pathien mite guol in, mitin laka leng chate haw chuh a kipunkhawm u a: Lei chung bitna chuh Pathien a um ahi ngâla; amah chuh nasa taka pahchak in a um hi.