Read Gangte SAM 52 Bible Online

SAM 52 - Gangte bible

SAM 52

¹Aw mihat, bang a tih leh chapo taka, Pathien ngaihsakte sietna ding ngaihtuoh sek na him?

²Ni tum in thil gilo na suongtuoh zing seka; Na lei chuh mulmet chem hiem tak lepbawl hât tawbang in.

³Apha sangin gitloh na ngaina zaw a; Diktatna thugen sang inle zuou thu na ngaina zaw a. Selah

⁴Aw, nang lei milepbawl hât, Thu mi valh zo thei chu na deih chuom seka.

⁵Pathien in kumlekhuo a dingin hun hihsie’n a. Hun man intin, na puon-In apat in hun luoi dawk ina. Mihing gama kipatin hun bawt dawk ding ahi. Selah

⁶Mi diktat haw’n le muu intin, lau un tin; Nuihsan un au,

⁷“Entiem u, Pathien a kulhpi a siem nuom lo a, A neih zawhna nasa tak muong zaw a, A gitlohna a kihatsak vang vei chuh,” ti’n.

⁸Himahleh, kei vang chu chuh Pathien In a olive thing sel hing dip dep bang chuh ka hi: Pathien hehpihna dettak chuh kumsawt kumsawt in ka muong hi.

⁹Zie chuh na hih ziekin, kumlekhuo’n kipahthu hun hilh zing ing ka: Na mithiengtho te mitmuh achun na min chuh phuong ing ka, a pha ngâla.