Read Gangte SAM 6 Bible Online

SAM 6 - Gangte bible

SAM 6

¹Aw LALPA, lungna’n ei hilhgaih ki’n la thangtawm takin ei sawi ki’n la.

²Aw LALPA, ei lungsiet inla; ka chansie ta ngâla: Aw LALPA, ei sudam in ka guhhaw hi a na ngâla,

³Ka hinna le a lungkham mah mah hi; Aw LALPA, nangin bang chan a nei thahthawt guot chuh aw?

⁴Aw LALPA, kei lam hun nga’n la, ka hinna hi humbit in: Na zahngaihna dettak ziekin ei hukdam inla.

⁵Thih nung chun nangmah hetzing zieng na a um puoh ngâla. Sheol ah kuo ahi die na chung a kipahthu gen ding?

⁶Ka tau na ziekin ka chau ta a; zan cheng leh ka zalkhun chuh mittui in a chap chek a; Ka khapchâk chuh mittui in achup sek hi.

⁷Lungkhamna ziekin khuo le ka mu thei ta puoh a: Melmate ziekin ka kap a, ka mit le a thim zo tai.

⁸Nang haw thil gilo hih chengcheng te haw, ei taihsan vek un; LALPA’n ka kah git a he ta ngâl a:

⁹LALPA’n zahngaih ka ngetna chuh a ngaitha ta ngâl a: LALPA’n ka pauchamna chuh a kipah pih a.

¹⁰Ka melmate chengcheng chuh muolpho untin lungkham mah mah un au. Hung kîkkit untin uh thakhat in muolpho guih un au.