Read Gangte SAM 61 Bible Online

SAM 61 - Gangte bible

SAM 61

¹Aw Pathien ka kiko thawm hi a na za’n la, Ka pauchamna-hi ei dâwng in.

²Ka lunggil a chauh lai in, kâwlmawng apat in hun sam ing ka; Suongpi kei sanga sangzaw ah ei pui in.

³Nang chuh ka kihumbitna na hi a, Melmate laka gâlven insang dettak na hi ngâla.

⁴Na puon in a chun kumkhuo’n um ing ka; Na thanuoi kisêlna mun ah bit ing ka;

⁵Aw Pathien nang chun ka thutiem haw na ngaitha ngâla; Na min kihchate gam luoh chuh nei pie a.

⁶Lal chuh a damsung hih sau in na tin; A kum haw chun khang chengcheng daih ina.

⁷Pathien masangah kumlekhuo’n um zing ina; Aw amah humbit theih na dingin zaidawhna leh thu tak guonggalh in.

⁸Khutichun ka thutiem haw chu nichenga ka muolsuoh theih na dingin. Kumlekhuo’n na min pakcha’n la sa’ng ka.