Read Gangte SAM 63 Bible Online

SAM 63 - Gangte bible

SAM 63

¹Aw Pathien, nang chuh ka Pathien na hi a, zingpi tak in hun hawl ing ka: Gamgaw leh chau, tui umloh na guol in; Ka hinna hi nang mah utcha’n a dangchâk a, ka sa hin a hun ngai hi.

²Khutichun, mun thiengtho a chun ka hun en zing sek kha, Na thilhih theihna leh na lopina mu dingin.

³Na zaidawhna hi hinna sanga a phat zawk ziekin; Ka mûk hin hun pakcha’n a.

⁴Tichun ka damlai chanin hun pakcha’ng ka, Na min in ka khut te zak ing ka ting na min sam ing ka.

⁵Ka hinna hi theng leh thau a tai bangin tai in tin; Ka kam hin nang chuh kipâk takin hun pakcha’n a;

⁶Ka zâlkhun chungah ka hun ngaihtuoh a, Zan ven chenga nang ka hun gel lai in,

⁷Nang chuh ei panpihpa na hi ngâl a, Na thalim nuoi achun kipâk in lasa’ng ka.

⁸Ka hinna hin a hun zui hâm hâm a; Na khut changlam in nei tuzing a.

⁹Ka hinna sukmang guo a hawlte haw vang chu Lei mun nuoinung haw a chun lut un au.

¹⁰Chemzâm thilhih theihna kienga piek hi’nau; Si-âlte an hitau in tin.

¹¹Himahleh leng chuh Pathien ah kipâk ina: Amin lo a kitiemna nei ta poh in suong un au; Zuou gen hatte kam chuh him in um ding ahi ngâla.