Read Gangte SAM 65 Bible Online

SAM 65 - Gangte bible

SAM 65

¹Aw Pathien, Zion a chun pahchak ding mawng na hi; Chun, thutiem chuh nang ah guitun sak hi’n a.

²Aw nang pauchamna dâwng pa, Nang kieng ah phehlevo chengcheng chuh hung un au.

³Gitlohna thu chun ei zo sek na a: Ka sukkhelhnau cheng chu nangin na ngaidam a,

⁴Na Ho-In huongsung kawtlaia um thei dinga Na tel a, na kieng na zawt sakte chuh mi hampha ahiu: Na in phatna chun tai ung kau, Na Ho-In mun thiengtho phatna chun.

⁵Aw ei hukdampa Pathien, Thil tizat um te’n kitûp takin ei dâwng un na tin; Nang kâwlmawng a mi cheng cheng leh, Tuipi chunga gamla taka umte kineppih na hi.

⁶Thilhih theihna a tai a kigak a, Nangmah hatna a tâng te hihdet sek chuh na hi.

⁷Tuisuohgiet gi lullul, a kinawk gi lullul leh, Mitin samulmul suhai sek chun ahi a.

⁸Kâwlmawng tawpa umte chun le na hetsakna chu a lau sek u a; Zing leh nitâk chieh dawk nate chu lâwpin na kiko sak sek hi.

⁹Lei hi na vehtha a, tui in na chawma, nasatak in na hih hausa a; Pathien luipi chuh tui in a dima: lei hi khutibanga na guonggalh nung chun amau dingin buh na siem seka.

¹⁰Lei hi a lei leh kuong haw kiting chu tui tampi’n na vaka, A changkuong tien haw chuh a hih det a; Guohtui in na hih nêm a; A thil hung kek haw chu vangsakna na pie sek a.

¹¹Kum chu na phatna na’n na vuk seka; Na chieh na lampi haw achun hauhsak na a luong let sek hi.

¹²Gamgaw a gancha tatna mun haw a chun a va a, Tang haw chule lawpna a kân in a um u a.

¹³Gancha tatna mun haw chu gan hawn pi’n a dâp suok a, Phaicham haw chule buh in a khuh suok a; Lawp a kiko in, la a sakhawm ui.