Read Gangte SAM 76 Bible Online

SAM 76 - Gangte bible

SAM 76

¹Juda achun Pathien chuh het in a um a; Israel achun a min a lopi hi.

²Salem a chun a bâwkcha chuh a um a, Chun, amah chuh Zion achun a um hi.

³Zie tak a chun thalpi chang te zawlzawl haw chu a hih sie a: Phaw leh chemzâm tawh, kidona haw chu tawh. Selah

⁴Nang chuh na lopi a, kumsawt tângte sang chun na zahum mah mah hi;

⁵Pasalpha haw chuh buluh in a um u a, a ih u chu a ip den tau hi; Mihat haw le kuomah khuttha thei a um ta puou hi.

⁶Aw Jakob Pathien, na hilhgaih na ziekin, Kangtalai leh sakawl le a tawithei ta puou hi.

⁷Himahleh, nang mah ngêi chu kihchak ding na hi a; Na lungnat phawt leh kuo a na masanga ding thei ding?

⁸Na vaihawmna thu chuh van apat in na hun sulang seka; Lei hi a lau a, a thip hiet hiet a.

⁹Lei a nuoisieh a um chengcheng hukdam dinga, Pathien chuh vaihawm dinga a kipat lai khan. Selah

¹⁰Thawnlo in mihiem lungnatna hin hun na pakcha tei ina; Lungnat na chuong in kigak in na tin.

¹¹Kipautiem unla, LALPA na Pathien kawm u ah muolsuoh un: A kimvela um cheng chengte chun kihchak um kawm achun Kipahman te hun pieu hen.

¹²Amah chun lengte hinna chu sattha’n tin; Amah chuh lei a lengte dinga lauh na pie pa chuh ahi.