Read Gangte SAM 8 Bible Online

SAM 8 - Gangte bible

SAM 8

¹Aw LALPA, ka Pathien uh, Lei chung chengcheng a hin na min chuh a pha na mai zên e! Na lopi na haw chuh van chung haw a khun na kawih a.

²Melma leh phuba la nuom haw hih daihna dingin, Nangmah hun do haw ziekin, Nausen te leh nawichep laite kama pawt chun hatna na hih det a.

³Na van, na khutsuok haw, Tha leh aksi na guot haw khuh, ka ngaihtuoh kuom leh,

⁴“Mihiem hi bang ahi a, hezing sek na hi? Mihiem Chapa hile bang ahi a vehtha sek na hi?” ka ti sek a.

⁵Amah chuh Pathien sanga nuoi deuh phetin na siem a, Lopina leh chawih-atna na khuksak a.

⁶Na khutsuok chungah thu na neihsak a; A keng nuoi a chun thil cheng na kawih a;

⁷Belam leh bâwngchalte tawh. Ahi, gamlak a gamsa haw nasan in:

⁸Chung leng vacha leh tuisuohgiet a ngate, Tuisuohgiet lampi a kitawl haw tawh.

⁹Aw LALPA, ka LALPAU, Lei chung chengcheng a hin na min chuh a pha na mai zên e!