Read Gangte SAM 80 Bible Online

SAM 80 - Gangte bible

SAM 80

¹Aw Israel chingpa, Belam hawn banga Joseph puipa, ana ngaiin; Nang Cherub te chunga chu pa chun hung salhvak in.

²Ephraim leh Benjamin leh Manasseh masang achun na hatna kha chawktho inla, Kei uh ei hukdam dingin hung in.

³Aw Pathien, kei uh ei siempha kit inla, Na mel kha hih vak in la, tichun, hukdam in um ing kau,

⁴Aw LALPA, Sepaihte Pathien, Bang chan ahi die na mite pauchamna chunga hi na lungnat ding?

⁵Amau haw chu mitthitui chângthâk in na vak a, Mitthitui hi dâwn dingin tehna lien pi’n na pie sek a.

⁶Nang ka kimvel u a mite dingin a muhsit dingin kei uh nei siem a; Ka melmateu chu a nui khawm sek u a,

⁷Aw Sepaihte Pathien, kei uh ei siempha kit inla; Na mel khan salhvak inla, tichun hukdam in um ing kau.

⁸Aigupta gam apat in grep gui na hun puoh a; Namte chuh na nawhdawka zie chun na phut ta a.

⁹A masang u ah gam na guonggalh sak a, Thuk takin zung a kai a, gam chu a luoh dim vek ta a.

¹⁰Tang haw chuh a lîm in a lieh a, A bâk haw chuh Pathien Sidar thing haw a bang hiel u a.

¹¹A ka haw chuh tuisuohgiet chanin a zam dawk sak a, A dâwn haw chuh luipi tiengin.

¹²Bangati a a pal haw chuh hih sie na him? Tichun lampi a chieh cheng chun a gah a lo thei tau chula

¹³Gamnuoi a sangal chun a susie a, Gamsa haw chun le a ne sek u a.

¹⁴Aw Sepaihte Pathien, lungsiet takin kihei kit inla: Van apat in vak en suk inla, zie grep gui hi ngaihsak in la, hung vehtha tie.

¹⁵A kung na khut changlama na phuh leh, A bâk nang a dinga na hih khauh hi tawh.

¹⁶Mei a hâl in a um ta a, phuk paih in a um tai. Na mel a hilhgaihna ziekin hih mangthai in um u hen.

¹⁷Na khut khah na changlam a te chungah um hen, Mihiem Chapa nang dinga na hih hât chung ahin.

¹⁸Khutichun, hun kilehheisan puou ung ka ting; Kei uh ei suhalh inla, tichun na min lam ding ka hiu ui.

¹⁹Aw Pathien, Sepaihte Pathien, kei uh ei siempha sak kit inla; Na mel khan salh vak in, tichun hukdam in um ung kau.