Read Gangte SAM 81 Bible Online

SAM 81 - Gangte bible

SAM 81

¹Pathien I hâtnau chawiân in ngeih tak in la sau inla: Jakob Pathien chawiân in lawp tak in kiko un.

²Pahchakna la sau unla, khuongneu haw, Kingkang ngaihnawp-um takte, pêkgit haw tawh lasau in.

³Tha thak tieng leh pengkun mût unla, Thalik a ka kut niteu tawh.

⁴Israel a dingin dân ahi ngâl a, Jakob Pathien thuguot ahi.

⁵Zie chuh Joseph kawma thutanna ding a dân ahi. Aigupta gama pat a chiehdawk lai khan; Ka pau hetloh bil a ka zak na khah.

⁶“Na liengko u a thil giksak chu ka dâwnzâng u a Na khut haw chu bawm dawm lo in ka siem a,

⁷Lungkham in nei sama; ka hun humbit a, Van gi kisêlna mun akhan ka hun dawng a, Meribah tui haw akhan ka hun patep na hi. Selah

⁸Aw ka mite haw, ngaithau unla, hun hetsak ding ka. Aw Israel, ka thu ngaitha nuom ta leu chin aw!

⁹Gamdang pathien mawng mawng chu na lak u a a um ding le ahi puoi; Gamdang pathien mawng mawng chu na ho ding u le ahi diek puoi.

¹⁰Kei LALPA na Pathien u chuh ka hii; Aigupta gam apat hun puidawk kha ka hii; Na kam uh ka lien unla, hih dim ing ka.

¹¹“Himahlele ka mite chun ka aw a ngaitha puoh ngâl u a; Israel chun ei deih puoh kha.

¹²Khutichun a lunggil uh genhak dân bang zel a um ding in ka thahthawt ahi. Amau haw lemguot banga a um na dingun.

¹³Aw, ka mite hin ka thu ngaithau henla, Israel hi ka lampi ah chieh maizen le chu aw!

¹⁴A melmau haw hihniem sak in, Amau haw dote chung achun ka khut pan ding hi veng.

¹⁵LALPA hawte chuh a masangah lau leh lîngin um un tin: kumkhawtuong a gawtna thuok tan au.

¹⁶Amah chun buh phapen in amau haw vak ding ahi a: Suongpi apat a khuoizu’n hun hih tai ding ka hi.”