Read Gangte SAM 82 Bible Online

SAM 82 - Gangte bible

SAM 82

¹Pathien chun Pathien vaihawmna siem achun ma a pui a; Amah chun pathiente laka chun vai a hawm a.

²Bang chana diklo taka vai na hawm a, Minunsie te chu na deihchuom ding? Selah

³Gimthei leh pa bei haw chuh thudik in vaihawm sak unla; Gimtheih thuok haw leh chagahte chung achun dikna sulang un.

⁴Tasam leh chagahte chu hukdawk un la: Minunsie khuta pan chun humbit un.

⁵“Hetna leh hetthiemna a nei puou a; Thim laka achun a kivat a kivat ui; Lei kingakna chengcheng chu a kilîng tau a;

⁶‘Nang haw hi Pathien te na hiu a, Chungnung pên pa chate na hiu,’ ka ti kha.

⁷Hitamahleh mihiem haw bang phetin hung thiu in na tin uh, Leng chate guol khan hung puk unlau.”

⁸Aw Pathien, tho inla, lei chung ahin vaihawm in; Namtin cheng hi na goluoh ding ahi ngâl a.