Read Gangte SAM 83 Bible Online

SAM 83 - Gangte bible

SAM 83

¹Aw Pathien, thipkêi in um ki’n la: Aw Pathien, khawngai zing ki’n la, um hiet hiet hiel ki’n.

²Ngaitie, na melmate chu a husa vengvung u a: Nang hun hawte chun luchang uh a dawmsang ui.

³Na mite chung ahin gukhah takin thil a ngaihtuoh u a, Na mi selguk te chung achun a sie lam in a kidawp tuok u a.

⁴“Hung tiem u, a nam uh mang hiel in sumangthai hitiu; Israel min mawngmawng hi hetzing a um takloh na ding in,” a tiu a.

⁵Ahi, thukhat kisa’n a kidawp u a; Nang hun do na dingin thugawlh a bawl u a.

⁶Edom leh Ishmael haw puon-In te, Moab leh Hagar puon-In te;

⁷Gebal leh Ammon leh Amalek tawh; Philistia tawh Tura khuo a um haw tawh.

⁸Asuria ten le amau a zawm ta a; Lot suonte chu a panpih u a. Selah

⁹Amau haw chu Midian chunga na hih bang leh; Kishon lui a Sisera chunga na hih bang leh Jabin chunga na hih guol khan hih inla.

¹⁰Ziehaw chu Endor khuo ah a beimang u a; Amau haw chu lei a dingin êk tawbang phet ana hiu kha.

¹¹A milien hawu chuh Oreb leh Zeeb guol khan siem inla; Ahi, a lal hawu chengcheng chuh Zebah leh Zalmuna bang in bawl in.

¹²Ziehaw chun “Pathien umna haw chuh luoh sak dii tiu,” a tiu kha.

¹³Aw ka Pathien, amau haw chuh leivui kipei vetvut bang in siem inla; Buhsi lawm huih in a mût zak ul ul bang mai in.

¹⁴Mei in gammâng akak bang leh, mei in tâng a kâk bang mai in;

¹⁵Amau haw chu na huihpi’n delh inla, Na huih leh guoh hattak in amau haw chu hih lau in.

¹⁶Aw LALPA na min a hawl theih na dingun, A mel u chuh zahchâkna’n hih dim in.

¹⁷Kumlekhuo’n muolpho tak leh lungkham takin um u hen la; Ahi, suk zahchâk a um in beimang u hen.

¹⁸Nang mah mai hi JEHOVAH min pu, Lei chung chengcheng chunga Chungnung pên na hi, tih a het theihna dingun.