Read Gangte SAM 85 Bible Online

SAM 85 - Gangte bible

SAM 85

¹LALPA, na gam chung ahin na kipâk a: Jakob te chuh na tungding kita.

²Na mite thulimlohna na ngaidam a, A gitlohna chengcheng uh na khuh zo ta a. Selah

³Na lungnatna chengcheng na lamang ta a: Na lungnatna lauh-um na zûk kik a.

⁴Aw ka hukdamnau Pathien, kei uh ei tungding kitin, Ka chung u ah na lungnatna chuh kawih mang in.

⁵Ka chung u a kumlekhuo a lungna ding na him? Na lungnatna chuh khang chengcheng tienga latsak zel guo na him?

⁶Nangmah a na mite a kipah theihna dingun, Nei suhalh kit lo ding na him?

⁷Aw LALPA na zahngaihna chuh ei muh sak inla, Na hukdamna chuh kei uh ei pie’n.

⁸LALPA Pathien thugen ding chuh ngaitha’ng ka ting, A mite leh a mithiengthote kawmah thamuonna thu gen ding ahi ngâla: a mi ginum um leh amah lama a lungthim heite kawm achun.

⁹A hukdamna chuh amah kihchate kawmah achun a um ngêi ngêi sek hi; Zie lopina chuh ka gam u ahin a um theih na dingin.

¹⁰Zahngaihna leh thutak a kituokkhawm untin; Diktatna leh chamna kichawp tuoh un au,

¹¹Thutak chuh lei apat in a luong dawk intin; Diktatna chun van a pat in a hun en suk ina.

¹²Ahi, LALPA chun thilpha pien tin; Ka gam u ahin a punna chuh hun suoh ina.

¹³Diktatna chuh amah ma ah chieh intin; A nung haw chuh lampi’n siem ina.