Read Gangte SAM 91 Bible Online

SAM 91 - Gangte bible

SAM 91

¹Chungnung pên Pa kisêlna a nei a, Bangakai hihtheipa lîm a umte chun.

²LALPA chungthu achun, “Amah chuh ka kihumbit na leh ka kulhpi; Ka Pathien ka ginchak chuh ahii,” ti’n au.

³Amah chun thângkam haw thâng lak leh. Hipi a thih theihna laka chun ei humbit ding ahi ngâla

⁴A tha’n hun khuh intin, A thanuoi achun bitna mu’n na tin; A thutak chuh phaw neu leh phaw lien ahi.

⁵Zan a thil tizat-um te chu lau puo’n na tin, Sun a thalchang leng le lau diek puon la;

⁶Thim laka hi leng sek chule lau puo’n na tin, Sun a sietna tung sek chule lau diek puo’n la.

⁷Na sik ah sangkhat puk untin uh, Na changlam ah sing mah puk un au; Himahlele nang chuh hun naih puo’n au.

⁸Na mit mai in en in na tin, Mi nunsie gawtna chuh mu’n la.

⁹Aw LALPA, nang chuh ka kihumbitna na hi ie! Chungnung pên pa chuh umna’n na manga;

¹⁰Thil phalo mawng mawng in hun sukha puo’n tin, Hi mawng mawng inle na puon in hun naih puo’n a.

¹¹Na lampi cheng chenga hun humbit dingin, Na chungthu a vang a vânsâwlchâkte thu pie ding ahi ngâla.

¹²A khut un hun dawm untin uh, Khutilochun, na keng in suong suihkha kha’n la.

¹³Sakeibaknei leh gûl gu nei chu tawhden in na tin, Sakeibaknei leh gulpi chuh chil diek inla.

¹⁴Ka chung ah a hehpihna a ngak zing ziekin humbit ing ka tin; ka min a hetzing ziekin munsang ah kawih to ing ka.

¹⁵Amah chun ei sam intin, tichun dâwng ing ka; A lungkham pet in kei a kawmah um ing ka ting; Amah chauh humbit ing ka ting, tichun limbawl ing ka.

¹⁶Damsawt na’n amau chuh sulungkim ing ka ting, Chun, ka hukdamna chuh amau muhsak ing ka.