Read Gangte SAM 92 Bible Online

SAM 92 - Gangte bible

SAM 92

¹LALPA kawma kipahthu gen leh, Aw Chungnung pên, na min pahchak a lasak hi thilpha tak ahi.

²Thil tum theih gui sawm nei zat, pekgitte, Kingkang gi thasiet theihna haw a,

³Zingkal a na zaidawhna hih lat leh, Zan chenga na muon-um na hihlat hi thilpha tak ahi.

⁴LALPA, nang chun na nasep in nei sukipak ngâla; Na khut thilhih haw ziekin lawp in lasa’ng ka.

⁵Aw LALPA, na thilhih haw chuh a lopina maizen e! Na ngaihtuohna haw chuh a thuk mah mah hi.

⁶Mimawl chun zie chuh a he puoh a; Mingawl in le a hethei diek puoi.

⁷Minunsie chuh hampa bangin a hung dâwn dawk u a, Thil phalo hihte chengcheng chuh a hung duoh u a; Amau chuh kumlekhuo a dingin hih mangthai in um ding ahiu ui tih hi.

⁸Mahleh, aw LALPA, nang vang chuh kumlekhuo a dingin sang taka um zing na hi.

⁹Aw LALPA, ngaitie, nang hun dote chengcheng hi beimang ding ahiu hi; Thil hihkhielhaw chengcheng hi hihzak in um vek un au.

¹⁰Himahlele, ka ki hi gam bâwngchal ki bangin na chawi sang a: Sathau thak a thaunuh ka hi tai.

¹¹Ka mit in ka melmate chung a ka duhthusam tung chuh a mu ta a, Ka nakhang in thil phalo hihte ei hun suolte chunga ka duhthusam husa chuh a za ta a.

¹²Mi diktat chuh tum bangin duoh hut hut intin; Lebanon tânga Sidar bangin khang hul hul ina.

¹³LALPA In a phuh haw chuh, I Pathien uh Ho-In huongsung inmai achun duoh hut hut un au.

¹⁴Teknung nasan inle amau chuh gah gah nalai un tin; Tuipawm takin hing dup dup un au.

¹⁵LALPA chuh mi diktat ahi tih latsak na dingin; Amah chuh ka suongpi ahi a, amah a chun diktat lohna himhim a um puoi.