Read Gangte SAM 93 Bible Online

SAM 93 - Gangte bible

SAM 93

¹LALPA chuh lal in a chu a, a lopina’n a kivan a; LALPA chuh a kithuom a, hatna’n a tai ah a kigak ta a. Ahi, khawvel hile a kilin theih lohna dingin a hih det a.

²Na lalchutphah chu malai pek a phuh det ahi ta a: Nang chuh kumlekhuo apat a um na na hi tai.

³Aw LALPA, luipite chu a kiko u a, Tuilien haw chun a awu a suoh u a, Luipi kinawk chun thawm nasa tak a suoh ui.

⁴Tui tampi kinawk sangin, Tuisuohgiet kinawk hattak sang inle, Chunglama LALPA chuh a lopi zawi.

⁵Na thuhetsak chuh ginchak a um mah mah a; Aw LALPA kumlekhuo’n na Ho-In chuh Thienthona’n a hih hawih hi.