Read Gangte SAM 97 Bible Online

SAM 97 - Gangte bible

SAM 97

¹LALPA chuh lal in a chu a, lei hi lawp takin um hen la; Tui in a kuolkhum sunga gam tamtak haw chu kipâk takin um u hen.

²Meipi leh thim sah tak chu a kimvel ah a um a! Diktatna leh thutak chuh a lalchutphah kingakna ahi.

³A masang achun mei a chieh a, A kimvel a chun amah dote haw chuh a katum sek hi.

⁴A kawlphe haw chun khawvel hi a salhvak zawl zawl sek a: Lei hin a mu a, a kilîng a.

⁵Tang haw chuh khuoilu tawbang in LALPA masang achun a tui u a, Lei chung pumpi hile LALPA masang achun khuoilu bangin atui zo hi.

⁶Van haw khun a diktat na chuh a thangko pih sek a, Mitin cheng chun a lopi zie chuh a mu tau a.

⁷Milim siem kawm hote chengcheng chu muolpho in um u hen la, Milim suonghaw chuh; Nang haw pathien cheng chengte, a masang achun kûn tiem u.

⁸Aw LALPA na vaihawmna haw chu, Zion tâng chun a he a, a kipâk a, chun, Juda khawpi haw chun a heu a, a kipâk ui.

⁹LALPA, nang chuh leichung chengcheng ahin Chungnung pên na hi ngâl a: Nang chuh pathien chengcheng chung pek ah chawih-at in na um ta a.

¹⁰LALPA chun gitloh hawte chu a hehpih a; Amah chun a mithiengtho te hinna chu a vawppha sek a; Amah chuh minunsie haw khut apat a humbit sek a,

¹¹Mi diktat ding chun khuo a vak zinga, Lunggil diktak pute ding chun kipahna ahi zing hi.

¹²Mi diktat te haw, LALPA achun kipâk unla; A min thiengtho chuh pakchau in.