Read Gangte SAM 98 Bible Online

SAM 98 - Gangte bible

SAM 98

¹Aw LALPA chawiân in la thak sau in; Thilmak tak tak a hih ta ngâla: A khut changlam leh a bân thiengtho chun hukdamna a siem sak ta a.

²LALPA chun a hukdamna chuh a hetsak a! A diktatna chuh namtin mitmuh achun kichien tak in a lat sak ta a.

³Israel inkuon te chunga a zaidawhna leh a muon um na a hezing zieng a: Kâwlmawng a micheng inle, ka Pathien uh hukdamna chuh a mu tau a.

⁴Lei chung luoh chengcheng te haw LALPA pakcha’n lawp takin kiko un: Kipak in kiko dawk unla, lawp takin la sau in.

⁵Kingkang tawh LALPA pakcha’n la sau unla, Kingkang leh pahchakna la hawih tak husa tawh.

⁶Pêngkun tawh pengkun binei gi tawh, LALPEN te LALPEN âng achun lawp takin kiko un.

⁷Tuisuohgiet leh a sunga thil um chengcheng hi gi lul lul u hen; Khawvel leh a sunga um chengcheng te tawh;

⁸Luipite chun a khut uh bêng u hen la; Tang haw chun lawp in lasa khawm u hen;

⁹Khawvel vaihawm dinga hung LALPA masang achun: Khawvel hi diktat takin vaihawm sak intin, Khenchuom neilo in mi cheng cheng hi vaihawm sak ina.