Read Gangte SAM 99 Bible Online

SAM 99 - Gangte bible

SAM 99

¹LALPA chuh lal in a chu a, mitin chu lau in kilîng u hen: Amah chuh Cherub te chungah a chu a; lei hi kilîng hen.

²LALPA chuh Zion achun lopi tak ahi a; Mitin cheng te sang a chungnung pên ahi.

³Amau chun na min lopi tak leh lauh-um tak pakchau hen; Amah chuh a thiengtho ngâla.

⁴Lalpen hatna chun vaihawmna dik a ngaina a; Nang chun khenchuom neih lohna na hih det seka, Nang chun Jakob inkawte chungah vai na hawma, diktak in na hih sek a.

⁵LALPA ka Pathien u chuh chawiân unla, A keng bula chun chibai bûk un: Amah chuh thiengtho ahi.

⁶A thiempute lak achun Mosi leh Aron a tel u a, Amin samte lak achun Samuel a tel a; Amah chun LALPA chuh a sama, a mah chun a dâwng ta a.

⁷Amau kawm a chun meipi’n thu a gen a! A thuhetsak te leh a thuguot amau kawma a piek chuh a zui u a.

⁸Aw LALPA ka Pathien uh, nang chun amau haw chuh na dâwng a. Nang chuh Israel a dingin ngaidam Pathien na hi. A thilhih chung u ah phuba la sek mahleh chin

⁹LALPA I Pathien u chuh pakchau unla, A tâng thiengtho a chun ho un: LALPA I Pathien u chuh a thiengtho ngâla.