Read Gangte THUCHINGTE 12 Bible Online

THUCHINGTE 12 - Gangte bible

THUCHINGTE 12

¹Thununna ngaina mi chun hetna a deih sek a; himahleh, hilhgaihna deihlo chuh gamsa tawbang ahi.

²Mi pha chun LALPA deihsakna chang intin, himahleh, ngaihtuohna gilo pute vang chuh thiemloh chansak in a.

³Mihing chuh gitlohna a phuhdet in um puo’n tin, himahleh, mi diktatte dinmun vang chuh suklîng in um puo’n a.

⁴Numei khuosak pha chuh a pasal a dingin lallukhuk a hi a, himahleh, zahchâk um taka thilhih vang chuh a guh a dingin nget ahi.

⁵Mifel ngaihtuohna chuh a dik a; mi gilote thuhilh vang chuh thepna ahi.

⁶Migilote kamsuok chuh tuolthahna kamsuok ahi a, himahleh, mi diktat kamsuok chun vang mite a hukdawk sek hi.

⁷Migilote chuh sukmangthai in a um u a, a beimang sek u a, himahleh, mi diktat suonte vang chuh a um zing sek ui.

⁸Mi chuh a pilna bang zelin pahchak in a um sek a, mi luhlulte vang chuh muhsit in um in au.

⁹Mi amah leh amah kingaisang a, nek ding neilo sang chun, kuomah ngaihsan hilo a, nek ding neih chuh a phazawi.

¹⁰Mipha chun a ganchate hinna a ngaikhawk a, himahleh, migilo zahngaihna chuh amau a ding in a gilo nalai hi.

¹¹Loneimi taima chun nek ding kibuting takin nei intin, himahleh, thil manloh ngaihtuoh na a hun mat zawh chuh ngawlna ahi.

¹²Migilote thiltup chuh thil phalo hih ding ahi a, himahleh, mi diktatte zungpi chun vang gah suoh in a.

¹³Migilo chuh amah thugen ngêi achun a âwk a, himahleh, mi ginum vang chuh buoina apat in a suokcha sek hi.

¹⁴Min a kamsuok gah mah chuh ât intin, amah khut thilhih gah mah chuh a kawma piek hi’n a.

¹⁵Mingawl lampi chuh amah mitmuh achun a dik a, himahleh, mipil chun vang thuhilhna a ngaitha sek hi.

¹⁶Mingawl buoina chuh het theih in a kilang ngâl a, himahleh, mipil chun vang muolphona chuh a selmang sek hi.

¹⁷Kuole, thudik gendawk chun dikna a sulang a, himahleh, hetpih diklo vang chun thepna a gen sek.

¹⁸Chemzâma sut banga na a thugen a um a, himahleh, mipil thugen chun vang mi a sudam hi.

¹⁹Thutak genna mûk chuh kumkhuo a sukdet hi’n tin, himahleh, lei lepchieh vang chuh hun chawmkhat maia ding ahi.

²⁰Thil phalo ngaihtuohte lungthim achun thepna a um a, himahleh, chamna dinga vaihawmte vang chun kipahna nei in au.

²¹Mi diktatte chung achun thil phalo tung puo’n tin; himahleh, mi gilote vang chuh thil phalo in dim in au.

²²Mûk lepchieh chuh LALPA dingin kihdak um tak ahi a, dik taka thilhih vang chuh a kipahlam tak ahi.

²³Mipil chun a thil hette chuh a îm sek a; himahleh, mingawl lungthim chun vang ngawlna a gendawk hi.

²⁴Mi taima khut chun thilhih theihna nei intin, mi thadah chu vang a chamlo a nasep sak hi’n a.

²⁵Lungthima lungkhamna chun mi a sawn kûn a, himahleh, thupha chun vang mi a sukipak sek hi.

²⁶Mi diktat chuh a invengte lam dik a hilh seka, mahleh, mi nunsiete lampi chun vang manthaina a tun sek.

²⁷Mi thadah chun a gam gah apat in bangmah mu puo’n tin, himahleh, mi taima chun hauhsakna mu’na.

²⁸Diktatna chuh hinna lampi ahi a; himahleh, gitlohna chuh thihna lampi ahi.