Read Gangte THUGENPA 11 Bible Online

THUGENPA 11 - Gangte bible

THUGENPA 11

¹Na chângthâk chuh tui chungah paih leh chun, ni tamtak nung leh mu kit ding na hi.

²Na thil neih te chuh mun sagih ahim mun giet ahim ah hawmzak in, leichung ahin bang tawbang sietna hungtung ding ahim tih na he puoh ngâla.

³Meipi chun a dim in guohtui a puoh a, Lei chungah guoh a zuk sak sek hi. Thing chuh mâllam zuon hileh, simlam zuon hileh a puk chun, a puk dân dân in a um sek hi.

⁴Huih nun haih leh khawphat thieng kei na ngak chun thai chîng puo’n na tin, ât le ât diek puo’n la.

⁵Nu naubu sunga nausen guh leh châng in bangti a hu la a, khang ahim tih na hetloh mah bang in, bangkim siemtu Pathien thilsiem dân le na he puoi.

⁶Zingkal in na thaichi chi’ng inla, nitâk tieng in na khut nung zuk ki’n; khawi pên hi hung kek a gahsuoh ding ahim, zie hih ahim zie khuh ahim, a nih a hung kek ding ahim tih na he puoh ngâla.

⁷Khaw-eng hi a nuom a, mit a ni eng muh chuh thil nuom tak ahi:

⁸Mihing in a damsung kum haw achun khawvak chuh kipâk takin mang hen, ahi’n zan thim hun ding chuh gel zing hen; zie hun chuh sawttak hiding ahi ngâla. Thil hungtung haw chule bangmahlo mai ahi.

⁹Khangdawngte haw, na vanglai niteu achun kipâk unla. Na vanglai nite achun na lungthim kipâk hen, na hih nawp cheng hih inla, na lungthim in a nawp dân cheng chuh zui inla, na mitin a etnawp phawt chuh en in. Himahlele, zie thil haw cheng chuh Pathien in vaihawmna a hun sulang ding ahi tih hezing in.

¹⁰Bangmah kisuklungkham sak ki’n la, na taksa natna chuh kawihmang in. Na vanglai hun sung leh phalvak hun sung chuh sawtlo ding ahi ngâl a.