Read Gangte SOLOMON LA 1 Bible Online

SOLOMON LA 1 - Gangte bible

SOLOMON LA 1

¹Late la, Solomon phuok chuh.

²Ei châwp hen na châwpna mûk te chun, na hehpihna chuh uain sangin a phazawi.

³Na min chuh sathau gimlim tak mai nei sathau sundawk bang ahi. Zieziekchun nungak thiengthote’n a hun hehpih ui.

⁴Ei kai inla, hun zui ing ka, ei puilut tai, leng chun a indan sung ah; nangmah a chun lâwpin kipâk ing kau, gen zel ing kau na hehpihna, uain sang in, a hun hehpih takzet ui.

⁵Aw, nanguh Jerusalem chanute, Kedar puon-In leh Solomon puonzakte bangin, ka vawmna a chuh ka ngaih kai hi

⁶Ka vawm deuh ziekin ei sit kiu in, nisa’n ei kâk ziek hin le; ka nu chapate ka chunga lungna’n, grep huon veng in ei siem tau a, mahleh kei grep huon ngêi chuh ka veng puoi.

⁷Ei hilh in, aw ka hinna’n a hehpih, na gan hawn sun leh khawi ah a châwl um? khawi ah na enkawl sek em? Bang ziekin e midang te ganhawn laka nang ka hun hawl ding?

⁸Na hetloh chun, aw nang numei laka hawihpen, ganguol kengnung chu zui inla, belampute puon-In sika chun na kelnote vak in.

⁹Aw, ka hehpih, ka hun tehkal sek hi, Pharaoh kangtalaia sakawl la hi tawh.

¹⁰Na bienga sana bilbah kikhai leh na ngâwng a sana khi awh chun ahun suhawih na e!

¹¹Kicheina sana khigui hun siem sak ing kau, dangkaguo zêphawih in.

¹²Leng chuh a zâlkhun a a chut lai chun; ka spiknard gimlim chuh a pawt a.

¹³Ka deihtak chuh kei dingin murra bawk ahi, ka nawite nih kikala um hi.

¹⁴Ka deihtak chuh kei dingin, En-gedi grep huon a thau gimlim a lawm a kek tawbang ahi.

¹⁵Ngaitie, na hawih hi, ka hehpih, ngaitie na hawih hi; na mit haw chuh vakhu mit a bang hi,

¹⁶Ngaitie, na hawih hi, ka deihtak, bang tienga deihum na hi ta’m? Hampa eng zîn zên chuh I zâlkhun ahi a.

¹⁷I inkamte chuh sidar thing, I insunte chuh châk thing ahi.