Read Gangte SOLOMON LA 7 Bible Online

SOLOMON LA 7 - Gangte bible

SOLOMON LA 7

¹Kengtawbek but kawma na kalsuon hawih zie, aw milien chanu; na pheipi chuh suongmantam nasempa khutthiem tak khutsuok a bang hi.

²Na lai chuh belhbu bang ahi a, uain helsa kiem khalo bang hin, na gilpi chuh buh huih vum, lili pak in a ûmkimvel a bang hi.

³Na ângte nih hih sasan no kiphik abang hi.

⁴Na ngâwng chuh saiha insang abang hi, na mitte Bath-rabbim kulhkawt lutna kawma Heshbon dîl abang hi; na nak chuh Lebanon insang a Damaska lam nga abang hi.

⁵Na luchang a lallukhuk chuh Karmel tâng abang ahi; na luchang a sam chuh sandup bang ahi, na sam chei dan chuh leng in a thuok zo puoi.

⁶Na hawih zie leh lung na sukkim zie hih, aw hehpih kipahna dingin:

⁷Na duong hi tûmthing bang ahi a, na ângte hi a gah bawk a bang ui.

⁸Tûmthinga chun kalto ing ka ting, a bâkhaw chuh tung ka, ka ti a, na ângte chuh grep bawk bang u henla, na hu gim chule apple gim bang hen,

⁹Na châwpna chuh uain lim pên, awlcha cha a luong tha a neh apat a kamsung a luong lut bang ahi.

¹⁰Ka deihtak a chuh ka hi a, kei lam ah a utchakna le a um zing a,

¹¹Hung tie, ka deihtak, daikieng ah chiehdawk hiting, thingtâng khawneu hawa khun giek hiti.

¹²Zingkal matak in grep huon ah chieh hiting, enkhawm hiti, grep a mûm in, a paklun tam, vaimimthei le a pak tam en hiti, zie tak achun ka hehpihna hun pie’ng ka.

¹³Zawldeih-âi hampa chun a gimlim a hun suoh a, I kawtkhak bul ah theigah pha tincheng a um ui a lui leh a thak, nang dingin ka kawihkhawl hi, aw ka deihtak.