Read Gangte ISAI 12 Bible Online

ISAI 12 - Gangte bible

ISAI 12

¹Zie ni chuleh, mipite chun la sau un tin, “Aw LALPA ka chungu ah a na lungna ta mahleh chin, a kawmah kipahthu gen ing kau, tuhin na lungnat chuh a hai ta a, nangin nei thamuon ahi ta hi.

²Ngaitie, Pathien chuh ka hukdamna ahi a, Amah taksang ing ka ting, lau puo’ng ka. Jehovah chuh ka hatna leh ka thilhih theihna ahi a, amah chuh ka hukdamna ahung hi tai, ti’n ahi.

³Dangchâkte dinga tui thieng tak chuh kipahna ahih mah bangin, Pathien hukdamna chuh a mipite kipahna ahi ngâl a,” ti’n.

⁴Zie ni chuleh, mipite chun la sau untin, “LALPA kawmah kipahthu gen un la! amin lo un la, a thilhih haw chuh mitin hetsak un la; amin chuh chawihsân in a um hi tih gen un.

⁵A thilhih makte ziek chun LALPA kawm achun la sau unla, Lei chung luoh chengcheng in a thu chuh zau hen.

⁶Zion a umte haw chuh ngeih tak in kiko u henla, Israel Pathien Thiengtho, a mite laka cheng chuh a lopi ngâl a,” ti’n.