Read Gangte ISAI 20 Bible Online

ISAI 20 - Gangte bible

ISAI 20

¹Asuria leng Sargon sawl in, Tartan chuh Ashodod khuo ah a chieh a, Ashdod khuo chuh a do a, a zo ta a.

²Zie masang kum thum chun, LALPA’n Amoz chapa Isai kawm achun, “Chieh inla, na kâwng a kawlladip puon kha phel tha’n la, na kenga kengtawbek kha sut ah,” ti’n a gen a. Tichun, khutibang chun a hih ta a, sangawn leh, kengtawbek butlo chun a chieh a chieh mai ta a.

³Ashdod te lak a phak phet chun LALPA’n, “Ka suok Isai hih Aigupta te chung leh, Ethiopia te chunga thil hung um ding melchikna leh, thilmak dingin kum thum sunga sangawn leh kengtawbek butloa a chieh bang hin,

⁴Asuria leng chun Aigupta mite chuh sal in a mana, a lien a neu in, sangawn leh kengtawbek butlo leh; tawdawk in Aigupta mite zahchâkna dingin pui mang ina.

⁵Tichun, a kineppih pên uh, Ethiopia te leh, a suon pên uh Aigupta te ziek chun, lungkham tak leh zahhuoi takin um un tin, a kinepnau bei ina.

⁶Tichun, zie ni chun Philistia tuisuohgiet panga chêngte chun, ‘Ngaitie, ka kinep pên uh, Asuria leng apat a ei hukbit ding leh ei panpih dinga I zawt pên uh chuh hiti hi ahi ta ngâl a; eihaw hi bangti’n I suokcha thei ta ding u?’ hun ti’n au,” a ti a.