Read Gangte ISAI 35 Bible Online

ISAI 35 - Gangte bible

ISAI 35

¹Gamthip leh gamgaw gam thawmhau chuh kipâk intin; gamgaw gam chuh lâwpin phullak a pakcha guolin paklun un au.

²Paklun thieithuoi un tin, kipâk taka lasa’n lawp ina; Lebanon tângte banga hawih leh Karmel leh Sharon phai banga lei pha hi ta’n a. Mitin in LALPA lopi na chuh muu untin, a lopina leh a thilhih theihna chuh mu ta’n au.

³Khut hatlote chuh suhat unla, khûp zawite leh kithingte chuh sudet un.

⁴Lunggil a lauthawng te kawma chun, “Hattak in um inla, lau kiu in! Ngaiun, na Pathien chuh phuba la dingin hung intin, hun hukdawk ding ahi!” tiu in.

⁵Zie tieng chuleh, mitdûkte chun mu thei tau untin; bengngawngte chun le za thei ta’n au.

⁶Chun, kêngbâite chuh sazuk guolin kichawm in tin, pautheilote chun lâwpin lasau un tin, gamgaw achun luichate luong ta’n tin.

⁷Tichun, pîlnel satak mun chuh dîl hung suok intin; gamgaw munte chuh tuinak in dim ta’n tin; Si-âlte chênna, a kuol nau achun hampa, phailuong kung leh pumpengte kek dim ta’n a.

⁸Zie chun lam tuongpi kithun intin, zie chuh, “THIENTHONA LAMPI,” ti’n au. Mi gilote chuh zie chun chieh puou un tin, himahleh, Pathien mite a ding hi zaw’n a; khuolzin te leh mi ngawlte nasan le zie chun gammâng puo’n au.

⁹Zie tak achun sakeibakneite um puou untin; gamsa lauh-um te’n le hawh diek puou in tin; muh ding le um puo’n a. Himahleh, LALPA tatsate vang chuh zie chun chieh un au.

¹⁰Tichun, LALPA tatsate chuh vaikit un tin, lasa kawm in Zion chuh tung un tin; a lu chung u achun kumsawt kipahna um in tin, lawpna leh kipahna chang tau in tin, lungkham leh dahna cheng bei ta’n a.