Read Gangte EZEKIEL 33 Bible Online

EZEKIEL 33 - Gangte bible

EZEKIEL 33

¹Chun, LALPA thu chuh ka kawmah a hung tunga,

²“Mihing chapa, na gam mite kawm achun thu gen inla, a kawm u ah: Gam chunga chemzâm ka tunsak a, gama mite chun a lak u apat mi khat a teldawk u a, gâlveng a kawih u a,

³Amah chun gam chunga chuh chemzâm hung tung a muh a, pengkun a mût a, mipite chuh a hetsak masak a,

⁴Chun, kuon le pengkun gi chuh he a ana kigin loh chun, chemzâm chuh hung tungin amah chun manthai lawh mah lele, a thisan mawh chuh amah ngêi in a puok ding ahi.

⁵Pêngkun git a heta a khawksak loh zieka chuh a thisan mawh chuh ama’n a puok zing ding ahi. Himahleh, ana khawk sak leh chu vang a hinna humbit ina.

⁶Himahleh, gâlvengpa chun chemzâm hung tung chuh a muh a, a pengkun a mût loh a, mipite chuh a kigalgin loh u a, chemzâm chuh a hung tun a, a lak u a kuo ahim in a manthai lawh chun a gitlohna zieka mangthai hi’n tin, ahihziekin, a thisan phuba chuh daiveipa chunga chuh ka lak ding ahi!, ti’n.

⁷“Khutichun, nang, mihing chapa, Israel inkuon dingin gâlveng a ka hun siem na hi; zieziekchun, ka kama thu pawt hi na het cheng leh ngaitha’n la, ka kawm apat kigalginna ding thu chuh amau hilh in.

⁸Migilo kawma, ‘Aw migilo, thi tei ding na hi,’ ka tih a, migilo chuh a umdan nusieh dinga na hilh loh chun zie migilo chuh a gitlohna ah thi’n tin; ahihziekin a thisan mawh chuh nang ka hun ngek ding ahi.

⁹Ahihziekin, migilo chuh a umdan nusieh dinga na hilh a, a umdan a nutsieh diek loh chun, a gitlohna achun thi’n tin, nang chun vang na hinna kihumbit hi’n la.”

¹⁰“Zieziekchun, nang, mihing chapa, Israel inkuon kawm achun gen inla, ‘I bawhsietnau leh I gitlohnau chun ei delh den a, ziehaw zieka chuh tumtha suk I hiu a, bangti’n I hing thei mawng mawng ding u?’ na ti sek u a.

¹¹A kawm u achun, ‘A hin a ka hin lai chan chuh, migilo thihna ahin kipahna himhim ka nei puo a, migilo in a umdan a nutsieh a a hin hi ka kipahna lam ahi zawi. Na umdan phalo hawu apat chun vaikit un, vaikit un! Aw Israel insung mite haw, bang ziekin e na thih ding uh?’ LALPA Pathien chun a tii,” ti’n gen in.

¹²“Zieziekchun, nang mihing chapa, na mite chate kawm achun gen in: ‘A sukkhelh ni chun mi diktat chuh a diktatna chun amah chuh hukdawk puo’n tin, chun, migilo chuh gitlohna chun le, a gitlohna a kiheimangsan ni chun, amah chuh supuk puo’n tin; mi diktat chule gitlohna hih ni chun a diktatna ziek chun hing thei diek puo’n a.’

¹³Mi diktat kawma, ‘Hing tei ina,’ ka tih a, amah chun a diktatna muong a gitlohna a hih chun, a diktatna chuh khat le hetzing hi puo’n tin; gitlohna a hih ziek chun thi zaw’n a.

¹⁴Chun, migilo kawma, ‘Thi tei ding nei ve,’ ka tih a, a gitlohna a kiheimangsan a, a thieng leh a dik a hih a;

¹⁵Migilo chun bat gâkna a thil kikawih haw a piek kita, a thil gûk haw a piek kita, hinna dân haw a hawh a, gitlohna bangmah a hih loh chun matheilo in hing intin, thi lo ding ahi.

¹⁶Gitlohna ana hihsa khat le hetzing hita puo’n tin; athieng leh adik chuh ana hih ta a, a hin tei ding ahi.

¹⁷“Ahihziekin, na mite chate chun, ‘LALPA thil hihdan hi a kituok puoi,’ a tiu hi; amah thil hihdan ahi zawi a kituok lo chuh!

¹⁸Mi diktat chun a diktatna kiheimangsan a, gitlohna a hih chun zie zieka chuh thi ding ahi.

¹⁹Migilo in a gitlohna kiheimangsan a athieng leh adik chuh a hih chun zie ziek chun hing in a.

²⁰Ahihziekin, ‘LALPA thil hihdan hi a kituok puoi,’ na tiu a. Aw Israel insung mite, mitin chuh amah thil hihdan bang zela thu hun tan sak ding ka hi,” a ti a.

²¹Chun, ka saltannau kum sawm leh kum nihna, tha sawmna, zie tha ni nga ni chun hiti hi ahi a, Jerusalem apat hung suokcha mi khat ka kawmah a hunga, “Khawpi chuh a puk tai,” a hung ti a.

²²Chun, a suokchapa hung ma nitâk lam masa chun LALPA chun ka chungah a khut a nga a, zingkal a ka kawma a hung phet chun ei na pau theih sak mana, khutichun ka pau thei ta a, pau theilo in ka um ta puoh a.

²³Zie zawh chun, LALPA thu chuh ka kawmah a hung tunga:

²⁴“Mihing chapa Israel gama khawpi siesa nunga cheng haw chun, ‘Abraham khah ahih leh khat chauh a na hi a, gam chuh a na luoh a, himahleh eihaw I hih u leh tamtak I hiu a, luoh dinga gam chuh piek I hi tau hi,’ a tiu a.

²⁵“Zieziekchun, a kawm u ah, LALPA Pathien chun hiti hin a tii: Sa chuh a thisan tawh na nek khawm u a, na milim pathien teu na mitkat zing u a, thisan na suoh zing pum u a maw gam chuh na chan ding uh?

²⁶Na chemzâmteu na muong u a, na invengteu zite tawh zawl na sai chiet u a. Khutisa sa achu maw gam chuh na chan ding uh?

²⁷“Hiti a hi a kawm u a na gen ding ahi, ‘LALPA Pathien chun hiti hin a tii: A hi’n a ka hin sung chuh, khawpi siesa nunga umte chuh chemzâm in puk tei tei intin un, gamtalai-laka umte chuh gamsate nêk zawh dingin pie’ng ka ting, kulhpi leh kâwlhâwm sunga umte chuh hipi’n thi’n au.

²⁸Chun, gam chule huoisie taka hawmngawn leh matna beiin siem ing ka ting, a kisuonpih uh a hatna chuh sutawp ing ka ting, chun, Israel tâng haw a hawm in um in tin, kuomah vakviel ta puo’n au.

²⁹Thil tenum a hih hawu zieka gam chuh huoisie taka ka sukhawm tieng leh LALPA chuh ka hi tih he tan au,’ ti’n.”

³⁰“Chun, nang na hih leh, mihing chapa, bang bul haw leh kawtbul haw achun na gam mite chun nang hun gen sausau intin un, mitin in a suohpih teu chiet kawmah, ‘Khawi tiem u, LALPA kawm apat a thu hung pawt chuh va ngaitha dii tiu,’ kiti’n au.

³¹Chun, ahawn in na kawmah hung intin un, ka mite bang mai in na ma ah chu’n tin un, na thu chuh ngaitha’n tin un, ahihziekin hih taktak diek puo’n au: a kam un hehpihna nasatak nei guolin kilang intin un, ahihziekin, a lunggil un amau lawkna ding chauh delh zaw chiet in au.

³²Chun, ngaitie, nang chuh amau ding chun lungsiet na la thiem tak a sak leh tum tawbang hin na tin; na thu haw chuh ngaitha na’n tin un, ahihziekin hih taktak diek puo’n au.

³³Zie hi a hung tun tieng leh hung tung tei ding ahi ngâla a lak u ah thiemgau a um hi tih he ta’n au, a tii, tih,” a ti a.