Read Gangte EZEKIEL 35 Bible Online

EZEKIEL 35 - Gangte bible

EZEKIEL 35

¹Zielo achun, LALPA thu chuh ka ka kawmah a hung tung kita,

²“Mihing chapa, Seir Tangpi lam nga’n la, a chungthu genlawk inla,

³A kawmah, LALPA Pathien chun hiti hin a tii: “Ngaiin, Aw Seir Tangpi, ka hun kilanpih na hi; na chungah ka khut tha’ng ka ting, gamkeu leh hawma hun siem ding ka hi.

⁴Na khawpi haw chuh susie’ng ka ting, hung hawm in la; chun, LALPA chuh ka hi tih he’n la.

⁵“A bawhsietnau ka gawtna a sosan lai taka sietna a tuok lai u a, malai apat amau na hawtna zieka chemzâm thilhih theihna manga Israel chate thisan na suoh ziek khan,

⁶Zieziekchun, a hin a ka hin sung chun, a thisan chuh suoh dingin hun piedawk ing ka ting, thisan suohna’n hun delhzui ina; thisan suoh na hawt loh ziekin, thisan suohna’n hun delhzui ina, LALPA Pathien chun a tii.

⁷Khutichun Seir Tangpi chuh gam âwng in siem ing ka ting, zie tak a chiehdawk leh hung lut cheng chuh sutawp vek ing ka.

⁸A tâng haw chuh mithi luong in sudim ing ka; na muol chung haw leh na guom sung haw leh na luicha guom sung haw achun chemzâma thah haw chuh kital lemlum in au.

⁹Kumlekhuo a hawm in hun siem ing ka ting, na khawpi haw chuh luoh loh in um in tin; khutichun, LALPA chuh ka hi tih he ta’n lau.

¹⁰“LALPA chuh zie tak achun a um na a, zie nam nih te leh gam nih te hi keia hiu intin, chang den hitiu, na tih ziekin,

¹¹‘A hi’n a ka hin sung chuh,’ LALPA Pathien chun a tii, Na lungnatna dungzui leh na itthikna amau na hawtna a na suklat dung zuia hun bawl ding ka hi; na chungthu ka tan tieng leh a lak u ah kihetsak ing ka.

¹²A hawma nutsieh in a um tau a, I nêk zawh dingun I kawm u a piek in a um tau, ti a Israel tâng haw na gensietna chengcheng chuh kei LALPA hin ka he suok kêi hi tih hun hen la.

¹³Khutichun ka chungah na kisulien in na ki-uong a, ka chungah na thutuitam a, ka he suok kêi ahi.”

¹⁴LALPA Pathien chun hiti hin a tii, “Lei pumpi kipah na dingin hun suhawm ding ka hi.

¹⁵Israel te gochan a hawm zieka na kipah guol takin na chungah hih ding ka hi: Aw Seir tâng leh Edom chengcheng chuh a pum in hawm vek in tin, Khutichun LALPA chuh ka hi tih he ta’n au,” ti’n.