Read Gangte DANIEL 12 Bible Online

DANIEL 12 - Gangte bible

DANIEL 12

¹“Chun, zie phat chuleh na mipite panpih sek, vânsâwlchâk lopi tak Mikael chuh hung kilang intin; chun, buoina hun, nam um tung apat a zie hun chana chule um kha ngeilo chuh hung um ina. Chun, zie hun chuleh namte laka na mite, a min uh lehkhabu a chuong taphawtte chuh hukdam in um un au.

²Chun, a lak uh a mi tamtak leivui a ipmusate chuh hung khanglo un tin, khenkhat chuh kumsawt hinna chang dingin, khenkhat chuh zahchâkna leh kumsawt muhsitna chang dingin hung tho kit un au.

³Chun, a chingte chuh van vak guolin vak un tin, mi tamtak diktatna lama kilehhei sak kitte chuh aksite bangin kumkhuotuong in vak tan au.”

⁴“Himahleh, nang Daniel, lehkhabu chuh khâk chak kêi inla, tawpna a tun masang chengin châl den in, a tawpna hun chan in, mi tamtak asuk atung in taiviel un tin, hetnate pung ding ahi” a ti a.

⁵Chun, kei Daniel in ka vak en a, ngaitie, midang nih ana ding u a, khat chuh lui pang kho zie lam ahin, khat chuh luinak lam achun a ding a.

⁶Chun, mi khat in patngatpuon a kizêm, luipi tui chunga umpa kawm achun, “Zie thilmak tawpna ding chuh bang chana sawt ahi dem?” a ti a.

⁷Chun, mi, patngatpuon a kivan a, luipi tui chunga umpa chun a khut changlam leh a khut veilam van lama zak dawkin, “Hun khat leh hunte leh hun kimkhat sung hi’n a; mi thiengthote sukgimtheihna a tawp tieng leh zie thil chengcheng hi hungtung kim ding ahi,” ti a kumsawt Pathien min sâla a kihâksiel chuh ka za a.

⁸A thugen chuh zak chuh ka za na a, himahleh a ngaihna vang ka he puoi. Khutichun ka vak dawng ta a, “Aw ka LALPA, zie thil tawpna chuh bangti ahi die?” ka ti a.

⁹Amah chun, “Daniel chieh mai ah, hun tâwp a hungtun macheng chuh zie thu haw chuh khak chak leh châldet ahi ngâla,” a ti a.

¹⁰Mi tamtak chuh sukthientho in um un tin, himahleh, mi nunsiete chun hetthiemna nei puou untin, mi nunsie kuoma’n a ngaihna he puou un tin; miching te chun vang hetthiemna nei un au.

¹¹Chun, kithawihnate suktawp a hih a, kihdak-um, luoksuok-um tak dindawk apat chun, ni sangkhat leh zanih leh sawmkuo bei in a.

¹²Chun, ana ngak hâm hâm a, ni sangkhat leh zathum leh sawmthum leh nga beih tienga ginum taka ngak te chuh a hamphau ui.

¹³“Aw nang Daniel, a tâwp tienga ginum in um in; nite tawpna achun châwl in na tin, hun tâwp achun na kipahman mu dinga hung thokit ding na hi ngâl a,” a ti a.