Read Gangte ZEKARIA 7 Bible Online

ZEKARIA 7 - Gangte bible

ZEKARIA 7

¹Chun, hiti hi ahi a, Daria vaihawm kum lina, tha kuona, Kisleu tha ni lina tak chun, Zekaria kawmah LALPA thu a hungtung a.

²Bethel mite chun Sharezer leh Regemalek leh a miteu a hun sawl u a, LALPA vangsakna chuh a ngên u a,

³Sepaihte LALPA chun a thiempute leh thiemgaute kawm achun a gen u a: Tuma kum tam taka ka na hih bangin keimah kikawihchuom in tha ngana achu ka su’na, an ka ngawlh sek ding ahi dem? ti’n.

⁴Tichun, LALPA apat a ka kawma thu hungtung chuh ziehi ahi.

⁵Gama mipite leh thiempute kawma chun, zie kum sawmsagih sunga tha ngana leh tha sagihna chenga anngawl a, sûnna a neih sek u kha, Kei ei limbawlna’n a bawl puou a.

⁶Chun, na nek u a na dâwn un le, nangmau a dinga ne a, na dâwn uh hiphet lo maw?

⁷Zie thu hi Jerusalem khawpi mipi’n a luoh dim lai u a, khawpi kimvel leh khawpi sung chauh le hilo a, simlam leh thanglam tâng bul tieng nasana mi a chen dim lai u a, thiemgau masate manga LALPA thu phuon dawk chuh hilo ahim?

⁸Chun, LALPA thu chuh Zekaria kawmah a hungtung a:

⁹“Bangkim hihthei LALPA chun hiti hin a tii: Diktak in vaihawm un la, mitin in amau suohpihte chungah lungsietna leh zaidawhna sulang chiet u hen.

¹⁰Meithai leh pa neilote, malzin leh mi gimtheite chuh bawlsie kiu in. Kuomah cha’n a lunggil un, a suohpih teu sietna ding chuh ngaihtuoh kiu in,” ti’n.

¹¹“Himahleh, ka mite chun a ngaitha nuom puou a, a lochal u a a zak theih lohna dingun, a bil uh ahim u a.

¹²Ahi thiemgau masate kawma ka thugen leh ka dân thute chuh a limsak lohna dingun a lunggil u chuh suong bangin a sutak u a; Zieziekchun, lungnatna huoisie tak chuh LALPA, Sepaihte LALPA kawm apat hungtung ahi.

¹³Chun, hiti hi hung hi’n tin, ka sap lai a ei ngaihthak loh guol mah un, ken le a ei sap tieng u leh ngaitha lo ding ka hi, LALPA’n a tii.

¹⁴Khutichun, amau chuh gamdang mi a hêtkhâk loh teu lak achun chinpeia thehdalh ding ka hi. Tichun, gam chu a hawm in taihsan un tin; kuomah a lut leh pawt um talo in, gam nuom tak chu thawmhau tak leh kuomah luoh loh a nutsieh a hung um ding ahi ngâl a,” ti’n.