Read Gangte 1 KORINTH 13 Bible Online

1 KORINTH 13 - Gangte bible

1 KORINTH 13

¹Mihiemte pau leh. vânsâwlchâkte pau in thu gen thei mah lengle, hehpihna ka neih loh chun, dâk gi maimai ahim, dakkhutbet gi maimai ahim na hing ka.

²Chun. thugen theihna nei in. thuguk chengcheng leh, hetna tin cheng he vek mahleng le tâng chawn theihna kham hiel taksanna bukim nei mahleng le. hehpihna ka neih loh chun. bangmah hi puo’ng ka.

³Ka neih chengcheng pie dawk vekin, ka sapum ngêi le kâng tum dingin kipie mahleng. hehpihna ka neih loh chun, kei dingin bangmah phachuom diek puo’n a.

⁴Hehpihna’n a dawhthei a, zah a ngai sek hi; hehpihna’n a mitthîp puoh a: hehpihna a kipakcha puoh a. a uong puoh a:

⁵a tawi lamzang lo kha puoh a, amah angsung a khuol puoh a. a lungna vak puoh a, gitloh lam thilte a ngaihtuoh puoh a:

⁶gitlohna chungah a kipâk puoh a, thutak vang chuh a kipahpih sek hi.

⁷Bangakai a thuok hâm hâm sek a, bangakaia gingcha a, bangakai a kinema, bangakai a thuokmuolsuoh sek.

⁸Hehpihna hi bangmah tikin dai puo’n a. Amahvang chuh, hilhlawkna thugente hi um mahleh, sukhaih hung hi’n tin; pau hetloh a thugente le um mahleh, hung châwl intin; hetna te le um mahleh, hung beimang ina.

⁹A kimlo in I heu a, a kimlo in I gen sek ui:

¹⁰Himahlele, a bukim chuh a hungtun tieng leh, a bukimlo hi hung beimang ta’n a.

¹¹Ka chapan lai in chapang pau in ka pau a, chapang het in ka he a, chapang ngaihtuoh in ka ngaihtuoh sek; tu a ka hung pitit nung hin chuh, chapang thilhih chuh, ka haihsan tai.

¹²Tuhin vang, lim-et a, kimu guolin, I mu giel guol uh ahi, khutih hun le vang chuh, kimaichangtuoh in mu tai tiu. Tuhin vang, a kimlo in ka he a, zie tieng chule vang, Pathien in ei het kim guol hin he kim ta’ng ka.

¹³Khutichun, zie thum te: taksannate, kinepnate, hehpihna te hi um zing ina; chun, ziehaw laka hin a lopipen chuh, hehpihna hi ahi.