Read Gangte JAKOB 4 Bible Online

JAKOB 4 - Gangte bible

JAKOB 4

¹Na lak uh a kidona leh kinakna haw hi khawi apat a pawt sek a hi? Na sapum kahawu laka, kidona siem sek, nangmau haw utlam haw apat hung pawt sek hilo maw?

²Na utchau a, na nei diek puou a, na that uh a, na awtchau a, na nei thei diek puoh ngâl uh a; na kinau a, na kido u a; na nget loh ziekun na nei puou a,

³Na ngen uh a, na nget dik loh ziekun na mu puou a, nangmau haw nawpsakna dinga mat na guot ziekun.

⁴Nanguh, mi ginumlote haw! Khawvel tawh kiguolchanna hi, Pathien melma hihna ahi tih helo na hiu hi? Zieziekchun, kuole, khawvel guol hih nuom ta chuh, Pathien melma a kisiem sek ahi.

⁵A hihloh leh, Thagau, eimau a a chen sak chun, thik kham hiela ei deih uh ahi tih hi, Pathien Lehkhabu’n mawk in gen ina tih na gingchau hi?

⁶Himahlele, Pathien in hehpihna ei piek chuh a hât zawsem ngâl a. Pathien Lehkhabu’n, “Pathien in mi husiete a do a, mi kingainiemte vang chuh vang a pie sek hi,” a tih guolin.

⁷Khutichun, Pathien thu thu’n um un. Amahvang chuh, Diabol chuh do un, tichun, hun taih mangsan ina.

⁸Pathien naih un, tichun ama’n hun naih ina. Mi gilote haw, na khut hawu silngim un la, lungthim mumal neilote haw, na lunggil uh suthieng un!

⁹Lungkham un la, kiko un la, kap un; na nuihnau chuh lungkhamna suok sak unla, na lawpnau chuh lungkhamna suok hen!

¹⁰LALPA masang achun kingainiem un, tichun, ama’n hun chawisâng ina.

¹¹Suohpihte, kigensie tuoh kiu in. Kuon le, a suohpih gensie’n, awimawh leh, Dan gensie leh awimawh ahi. Dan na awihmawh chun, Dan zawp na hi ta puoh a, a vaihawm a pang na hi zawi.

¹²Dan piepa leh Vaihawm khat chauh a um hi, hukdam thei leh sumangthai thei chuh; nang invengte awimawh sek hi, kuo na hi a ahim?

¹³Tuhin, ngaitiem u khai! “Tuni’n ahim, zing leh ahim, zie khawpi a khun chieh hi ting uh, tak achun kum khat va tham hi ting uh, va sumkawlvei hi ting uh, veikan hitiu,” tite haw,

¹⁴a zing leh banga hung um ding na he puou hi! Na hinnau chuh bang a? Mei chawmkhat sung hung kilang a, mang kit pai zieng bang hih na hi ngâl u a.

¹⁵Khutichun, “LALPA’n lem a sak chun dam hiting uh, zie chuh, zie khah hih hitiu,” ti ding na hi zawu a.

¹⁶Himahlele, na uonna hawu chuh na kisuonpih zaw ngâl u a, khutibang kisuonna chengcheng chuh gitloh ahi.

¹⁷Khutichun, kuole, thilpha hih ding he a, hih sâm lo chuh, a dingin gitloh ahi.