Read Gangte 1 JOHAN 1 Bible Online

1 JOHAN 1 - Gangte bible

1 JOHAN 1

¹Hinna Thu, atûng apat umsa, chanchin khah na kawmuh a ka hun zikuh ahi. Zie chuh ka zak uh, ka mit ngei uh a ka muh uh a hii, ka mu ngei uh a; chun, ka khut un le ka khawih ngei uh ahi.

²Zie Vak chuh muh theih a a hung kiphuon phetin ka mu tau a, ka phuong dawk uh a, zie chuh Pa kawma um, keihaw kawma phuon dawka um a chanchin ka hun hilh uh khah ahi.

³Chun, ka muh u leh ka zakteu chuh nang haw kawmah ka phuong uh a, khutia chuh. Pa leh a chapa Isu Krista tawh ka kivawpkhawmnau chuh nei kikawppih theihna dingun.

⁴Ka lawp uh a bukim theihna dingin, zie thu haw hi na kawm u ah ka hun zikuh ahi.

⁵Chun, a chapa apat a thu ka zak uh, nanguh ka hun hilh sawn dinguh chuh ziehi ahi: Pathien chuh Vak ahi a, amah achun thimna himhim a um puoi.

⁶Thim a um ngâl in, “Amah tawh ka kivawp hi,” I tih uh chun, lepchieh I gen uh ahi a, thutak chu le I zawp puou hi.

⁷Himahlele, amah chuh vaka a um banga, ei uh le vaka um I hih uh chun chuh, amah tawh kivawp khawm I hiu a; chun. a Chapa Isu thisan in I gitloh cheng chenguh ei tauh ngim sak ahi.

⁸“Gitloh ka nei puoi,” I tih uh chun, eimau leh eimau kithem I hiu a, thutak chuh eimau ah a um lo ahi.

⁹I gitlohnau I phuon uh chun chuh, eihaw gitlohna ngaidam ding leh, I diktat lohnau chengcheng tauh ngim dingin, amah chuh a taksanum in, a diktat ahi.

¹⁰“Thil ka sukhiel puoi,” I tih uh chun, amah chuh lepchieh I hih sak uh a, a thu le eimau ah a um lo ahi.