Read Gangte 3 JOHAN 1 Bible Online

3 JOHAN 1 - Gangte bible

3 JOHAN 1

¹Upa keimah apat, deihtak, Gaia, tihtakzet a ka hehpihpa kawm achun:

²Deihtak, na thagau in vangsakna a muh bangin, bangkima vangsakna na muh theihna dingin ka paucham sek hi.

³Suohpihte, mi khenkhat a hung u a, thutak thu a na taksanum zieu, malai a thutak a na hin bang u a na umdan teu ei hung hilh phet un ka kipâk mah mah mai hi.

⁴Ka chate thutak ah a um ui tih ka zak kalval a kipahna nasa zaw himhim ka nei puoi.

⁵Deihtak, suohpihte chuh malzin himahleu le a chung u a na thilhih chengah taksan um takin na hih seka.

⁶Ziehaw chun Sapchuomte ma ah na hehpihna a hetpih tau hi. Amau chuh a zinnau chuh Pathien mi bang taka na kaihhuoi chun pha’na.

⁷Krista nasem dinga a zinnau achun, Jentel te kawm apat bangmah la lo dingin a kipandawk ta ngâl u a.

⁸Khutichun, thutak seppihte I hih theih na dingun khutibang mi chuh eihaw’n I lawp dinguh ahi.

⁹Sapchuomte kawm akhan huntieng chuh ka zik ta a; himahlele, a lak u a chungnun nuom sek, Diatrepha khan kei uh ei na pawm puoh ngâla.

¹⁰Zieziekchun, ka hung tieng leh a thilhih haw ka geldawk sakkit ding ahi. Ka chanchin uh sie taka gen dân te leh lepchieh a gen thute khah! Zie mai chule hun a sa puoh a, suohpihte a hung tieng u lele, ana lawp puo’n tin, a lawp nuomte nasan chuh zadah intin, Sapchuom apat nawhdawk guo ding ahi.

¹¹Deihtak, asie chuh sin ki’n la, apha chuh sin zaw ta’n. Thilpha hih ta chuh Pathien a kuon dawk ahi a, thilsie hih ta chun Pathien a mu kha puoi.

¹²Demetria chun mi cheng cheng pahchak a lawh a, thutak mawng chun le a hetpih ahi. Chun, kei un le ka hetpih u a, ka hetpihnau hi a dik hi tih na hêi.

¹³Na kawmah thugen ding tamtak ka nei a, himahlele, lehkhazikna leh lehkhatui mai a hun zik ka nuom puoi.

¹⁴Chawmlo kal a hun muh ka kinema, zie tieng chuleh kimaichangtuoh in holim nai ti.

¹⁵Na chungah lungmuonna um hen. I guolte cheng chengin a hun chibai ui. I lawite cheng a mimal chiet un ei na chibai sak in.