Read Garhwali मत्ती 1 Bible Online

मत्ती 1 - Garhwali bible

मत्ती 1

¹या यीशु मसीह की पूर्वजों की नौं की सूचि च, उ जु अब्राहम को वंशज छो, उ राजा दाऊद को वंशज छो।

²अब्राहम बट्टी इसहाक पैदा हवे, इसहाक बट्टी याकूब पैदा हवे अर याकूब बट्टी यहूदा, अर वेका भैय पैदा हवेनि।

³यहूदा अर तामार, पेरेस अर जेरह की ब्वे छै अर फरिसि बट्टी हिस्रोन पैदा हवे अर हिस्रोन बट्टी एराम पैदा हवे

⁴एराम बट्टी अम्मीनादाब पैदा हवे अर अम्मीनादाब बट्टी नहशोन अर नहशोन बट्टी सलमोन पैदा हवे।[1]

⁵सलमोन बोआज कु बुबा अर रहाब वेकी ब्वे छै अर बोआज ओबेद कु बुबा अर रूत वेकी ब्वे छै अर ओबेद बट्टी यिशै पैदा हवे।[2]

⁶अर यिशै बट्टी दाऊद राजा पैदा हवे। अर दाऊद राजा बट्टी राजा सुलैमान वीं जनन बट्टी पैदा हवे ज्वा पैली उरिय्याह कि जनन छै।[3]

⁷राजा सुलैमान बट्टी रहबाम पैदा हवे अर रहबाम बट्टी अबिय्याह पैदा हवे अर अबिय्याह बट्टी आसा पैदा हवे।

⁸आसा बट्टी यहोशाफात पैदा हवे यहोशाफात बट्टी योराम पैदा हवे अर योराम बट्टी उज्जियाह पैदा हवे।

⁹अर उज्जियाह बट्टी योताम पैदा हवे योताम बट्टी आहाज पैदा हवे अर हिजकिय्याह आहाज बट्टी पैदा हवे।

¹⁰अर हिजकिय्याह बट्टी मनश्शे पैदा हवे मनश्शे बट्टी आमोन पैदा हवे अर आमोन बट्टी योशिय्याह पैदा हवे।

¹¹योशिय्याह, यकुन्याह अर वेका भैय को दादा छो, जु इस्राएलियों तैं बाबेल देश मा बंधि बणै के लिजांण से पैली पैदा हवेनि।[4]

¹²यकुन्याह बट्टी शालतियेल पैदा हवे अर शालतियेल बट्टी जरुबाबेल पैदा हवे अर बाबेल देश बट्टी बंधुवै मा जांणा का बगत से लेकर यीशु का जन्म तक वेका पूर्वज छा।

¹³अर जरुबाबेल बट्टी अबीहूद पैदा हवे, अबीहूद बट्टी इल्याकीम पैदा हवे अर इल्याकीम बट्टी अजोर पैदा हवे।

¹⁴अजोर बट्टी सदोक पैदा हवे सदोक बट्टी अखीम पैदा हवे अर अखीम बट्टी इलीहूद पैदा हवे।

¹⁵इलीहूद बट्टी इलियाजार पैदा हवे, इलियाजार बट्टी मत्तान पैदा हवे अर मत्तान बट्टी याकूब पैदा हवे।

¹⁶अर याकूब बट्टी यूसुफ पैदा हवे जु मरियम को आदिम छो अर मरियम ल परमेश्वर की आत्मा बट्टी गर्भवती हवे के यीशु तैं जन्म दींनि, जैकु मसीह बुल्दींनि।

¹⁷अब्राहम बट्टी राजा दाऊद तक चौदह पीढ़ी हवेनि, राजा दाऊद का बगत बट्टी लेकर वे बगत तक जब इस्राएल का लुखुं तैं बंधि बणै के बाबेल देश लिजांण तक चौदह पीढ़ी हवेनि, अर बंधि हवे कै बाबुल देश तक पहुँचाए जांणा का बगत बट्टी लेकर मसीह तक चौदह पीढ़ी हवेनि।

¹⁸यीशु मसीह कु पैदा हूंण से पैली इन हवे कि जब वेकी ब्वे मरियम कि मंगण यूसुफ दगड़ी हवे छै त ऊंका ब्यो हूंण से पैली जब व कुँवारी छै, तब व पवित्र आत्मा कि सामर्थ बट्टी गर्भवती हवे।

¹⁹अर वीं को मंगेतर यूसुफ जु कि धर्मी आदिम छो अर उ मरियम तैं बदनाम नि कनु चांदु छो अर वेल चुपके से वीं तैं छुड़ण कु विचार कैरी, किलैकि उ ब्यो से पैली ही गर्भवती पये गै जु कि व्यवस्था का विरुद्ध मा छो।

²⁰जब यूसुफ यूं बातों तैं सुचणु ही छो त प्रभु को स्वर्गदूत वेका सुपन्या मा ऐ के बुल्ण लगि गै यूसुफ, राजा दाऊद का वंशज, तू अपड़ी मंगेतर मरियम तैं अपड़ी जनन बनांण से नि डैर किलैकि जु वीं का गर्भ मा बच्चा च उ पवित्र आत्मा कि सामर्थ बट्टी च।

²¹व नौंना तैं जन्म दयाली अर तू वे नौंना कु नौं यीशु रखि, “किलैकि उ नौंनो अपड़ा लुखुं तैं ऊंका पापों बट्टी बचालो।”

²²यु सब इलै हवे कि सब पूरो हो, यशायाह जु परमेश्वर का तरपां बट्टी बुल्ण वलो छो वेका द्वारा परमेश्वर ल यीशु का जन्म का बारा मा बोलि छो, [5]

²³देखा, “कि एक अणबिवाक गर्भवती होलि व एक नौंना तैं जन्म दयाली अर वेको नौं इम्मानुएल रखे जालो जै को मतलब च कि परमेश्वर हमारा दगड़ी च।”

²⁴तब यूसुफ निंद मा बट्टी बिजि के प्रभु का स्वर्गदूत कि आज्ञा का अनुसार अपड़ी मंगेतर दगड़ी ब्यो कैरी की मरियम तैं अपड़ा घौर ली गै।

²⁵अर जब तक वीं ल नौंना तैं जन्म नि दींनि तब तक ब्यो कु कुई सम्बंध नि रखि “अर यूसुफ ल वे नौंना कु नौं यीशु रखि।”