Read Garhwali मत्ती 28 Bible Online

मत्ती 28 - Garhwali bible

मत्ती 28

¹यहूदियों का विश्राम का दिन छो रात्बियां मा मरियम जु मगदल गौं की छै अर हैंकी मरियम जब उज्यलो हूंणु छो यु जनन कब्र पर ऐनी।

²अर देखा एक बड़ो भ्युंडोल हवे किलैकि प्रभु को एक स्वर्गदूत स्वर्ग बट्टी उतरी अर कब्र का संमणी ऐ के वे ल कब्र का द्वार बट्टी बड़ो ढुंगो हटै दींनि अर वे ढुंगा पर बैठी गै।

³वेको रूप बिजली का जन अर वेका कपड़ा पाला का समान उज्‍ज्वल हवे गैनी वेकी डौराल चौकिदार कांपी गैनी अर मुरयां जन हवे गैनी।

⁵स्वर्गदूत ल ऊंकु बोलि, “भैचक मा नि पोड़ा तुम यीशु नासरत वला जै तैं सूली पर चढ़ै गै छो ढुंडणा छा।”

⁶उ इख नि च, पर अपड़ा वचन का अनुसार ज्यूँदो हवे गै, आवा ईं जगह तैं देखा, जख प्रभु तैं रख्युं छो।

⁷अर चम जै के वेका चेलों मा बोला, कि यीशु ज्यून्दो हवे गै अर उ तुम से पैली गलील जिला म चलि जांण जन वेल तुम मा अपड़ा मुरण से पैली बोलि छो तुम ल उ उखि दिखण।

⁸उ डैरी के अर भौत खुश हवे के कब्र बट्टी तुरंत लौटि के ऊंका चेलों तैं यु शुभ समाचार दींणु कु अटगी गैनी।

⁹तब यीशु ऊं तैं मिली अर वेल बोलि सलाम चेलों ल संमणी ऐ के अर वेका खुट्टों मा मुंड झुकै के वेकी आराधना कैरी।

¹⁰मेरा विश्वासी भयों तब यीशु ल ऊंमा बोलि “डैरा न जु वेका अपड़ा भयों मा बट्टी नि छा ऊंमा जै के बोलि, कि गलील जिला कु चलि ज्वा उख उ मि तैं दिखला।”

¹¹उ जनन चेलों तैं यु समाचार बतौंणु कु जांणा ही छा कि पहरेदारों ल जु कब्र कि रखवलि कना छा शहर मा ऐ के पूरो हाल प्रधान याजक तैं सुंणै दींनि।

¹²प्रधान याजकों, दाना-सयाणों बट्टी मिली अर अपड़ी योजना की बात ऊंल सिपैयूं तैं घुस का रूप मा एक बड़ी धन राशि दींणु कु फैसला कैरी कि यु बतौंणु कि कब्र खाली किलै छै

¹³ऊंल सिपैयूं कु बोलि, सभियूं तैं बता की राती कु जब हम सिणा छा त वेका चेला ऐनी अर वे तैं चुरैके लीगिनि।

¹⁴अर जु तुम रखवली का बगत सै गै छा या बात राज्यपाल तक पौंछिलि त हम वे तैं समझै दयुला अर तुम कै भि बात की चिंता कनै की जरूरत नि च।

¹⁵अर ऊंल भौत रुप्या लै के जन ऊं तैं सिखै छो ऊंल उन ही कैरी। अर य बात आज तक यहूदियों मा जंणै जांदी।

¹⁶अर ग्यारह चेला गलील जिला मा वे डांडा पर गैनी जु यीशु ल ऊं तैं बतै छो।

¹⁷चेलों ल वेका दर्शन पै के वे तैं प्रणाम कैरी के वेकी आराधना कैरी, कै तैं सन्देह हवे की उ ज्यूँदो हवे गै।

¹⁸तब यीशु ल ऊंकु बोलि, “स्वर्ग अर धरती को सैरो अधिकार मि तैं दियुं च।”

¹⁹“तुम सैरा दुनिया मा हर जगह जै कै सभि जातियों का लुखुं तैं चेला बणांव अर ऊं तैं बुबा अर नौंना का अर पवित्र आत्मा का नौं बट्टी बपतिस्मा द्यावा

²⁰अर ऊं तैं सभि बात जु मिल तुम तैं आज्ञा दींनि मणन सिखावा अर देखा मि दुनिया का अंत तक हमेशा तुम दगड़ी रौलु।”