Read Garhwali मत्ती 3 Bible Online

मत्ती 3 - Garhwali bible

मत्ती 3

¹ऊं दिनों मा यूहन्ना बपतिस्मा दींण वलो यहूदिया प्रान्त का एकांत जंगल मा ऐ के पापों का रस्ता बट्टी मन फिराव को बपतिस्मा कु प्रचार करदो छो

²कि, “पापों तैं मांणी कै मन फिरावा किलैकि स्वर्ग कु राज्य नजदीक ऐ गै।”

³यु उ ही च जैकी चर्चा यशायाह जु परमेश्वर का तरपां बट्टी बुल्ण वलो छो का द्वारा करे गै, “एकांत जंगल मा एक पुकारण वला कु शब्द सूनेणु च कि प्रभु को बट्टो तैं तैयार कैरा वेकी सड़कों तैं सीधि कैरा।”

⁴यु यूहन्ना ऊंट का रोम का कपड़ा पैंरयुं अर अपड़ी कमर मा चमड़ा को पठुगा बंधि के रौंदु छो अर टिड्डी अर जंगल कु सौद खांदु छो। अर वेको खांणु टिड्डी अर जंगल को सौद छो।

⁵तब यरूशलेम शहर अर सैरा यहूदिया प्रान्त अर यरदन गाड का अमणी-संमणी का सभि जगह का लोग वेमा ऐनी।

⁶अर अपड़ा पापों तैं मांणी के यरदन गाड मा वे बट्टी बपतिस्मा लींनि।

⁷जब वेल भौत फरीसियों तैं अर सदूकियों तैं बपतिस्मा लींणु कु अपड़ा नजदीक औंण देखि त ऊं बट्टी बोलि, “हे गुरो का बच्चों” तुम तैं कैल जतै कि औंण वला गुस्सा बट्टी भागा।

⁸इलै मन फिराव का योग्य काम कैरा।

⁹अर अपड़ा मन मा यु न सोच कि हम अब्राहम का वंशज छा, इलै हम पाप बट्टी बचि जौला किलैकि मि तुम मा बुल्णु छौं कि परमेश्वर यूं ढुंगो बट्टी अब्राहम कु वंशजों तैं पैदा कैरी सकद।

¹⁰इलै अब तुम परमेश्वर का न्याय कु तैयार रावा अब कुल्हड़ो डाला का जौड़ा मा रख्युं च इलै जु-जु डालो अच्छो फल नि लौंदु उ कटे अर आग मा झोंके जांद।

¹¹मि त तुम तैं पापों बट्टी पछतावा कैरी के मन फिरावा इलै मि तुम तैं पांणी ल बपतिस्मा दींदो अर यु प्रचार करदु छो, “कि मेरा बाद उ औंण वलो च, जु मि से भि जादा महान अर शक्तिशाली च मि त ये लैख भि नि छौं कि वेको दास बंणि के झुकि के वेका जुतों का तंणखा खोलु, मिल त तुम तैं पांणी ल बपतिस्मा दींनि पर उ तुम तैं पवित्र आत्मा ल अर आग ल बपतिस्मा दयालो।

¹²वेको सुप्पो वेका हथ मा च अर उ अपड़ा खलिहान तैं अच्छा ढंग से साफ करलो अर ग्यूं को बीज तैं अपड़ा भंडार मा कट्ठा करलो पर भूसा तैं आग मा फूंकी दयाला ज्वा बुझी नि सकदी।”

¹³ऊं दिनों मा यीशु ल गलील जिला का नासरत नगर बट्टी ऐ के यरदन गाड मा ऐ के यूहन्ना से बपतिस्मा लींनि।

¹⁴पर यूहन्ना यु बोलि, के ऊं तैं रुकण लगि गै “मि तैं त तेरा हथ बट्टी बपतिस्मा लींण जरूरत च अर तु मि मा बपतिस्मा लींणु कु अईं छै।”

¹⁵यीशु ल वे तैं यु जवाब दींनि “अब त इन ही हूंण दे किलैकि हम तैं येइ ढंग से सब धार्मिकता तैं पूरो कन ठिक च।” तब वेल ऊंकी बात मांणी लींनि।

¹⁶अर जब यीशु बपतिस्मा लै के पांणी बट्टी भैर निकली के मथि ऐ अर वेल स्वर्ग तैं खुल्यूं देखि अर परमेश्वर की आत्मा तैं कबूतर का रूप मा अपड़ा मथि औंण देखि।

¹⁷“अर परमेश्वर ल स्वर्ग बट्टी बोलि कि तु मेरू प्रिय नौंनो छै मि त्वे बट्टी भौत खुश छौं।”