Read Garhwali मत्ती 4 Bible Online

मत्ती 4 - Garhwali bible

मत्ती 4

¹यीशु मसीह का बपतिस्मा लींणा का बाद तब पवित्र आत्मा यीशु मसीह तैं एकांत जंगल मा ली गै अर एकांत जंगल मा चालिस दिन अर रात तक शैतान यीशु तैं लालच दींणु रै।

²ऊं चालिस दिन अर चालिस रात यीशु ल कुछ भि नि खै, पर तब वेका बाद वे तैं भूख लगि।

³तब शैतान ल वेका संमणी ऐ के बोलि, “जु तु परमेश्वर कु नौंनो छै त यूं ढुंगो कु बोल कि यु रुट्टि बंणि जौ अर साबित कैर कि तू ऊं तैं खै साको।”

⁴पर यीशु ल जवाब दींनि की परमेश्वर का वचन इन लिख्युं च कि, मनिख भस रुट्टि ही बट्टी न “पर परमेश्वर का बणयां हरेक वचन तैं मनण से ज्यूँदो रालो।”

⁵तब शैतान यीशु तैं पवित्र नगर यरूशलेम शहर मा ली गै अर यरूशलेम शहर का मन्दिर का ऊँचा गुमट पर खड़ो कैरी।

⁶अर शैतान ल यीशु कु बोलि, “जु तु परमेश्वर कु नौंनो छै त इख बट्टी मूड़ी कूदी के साबित कैर त्वे तैं चोट नि लगली किलैकि परमेश्वर का वचन मा लिख्युं च उ अपड़ा स्वर्गदूतों तैं आज्ञा दयाला अर उ त्वे तैं हथौं-हथ संभाली दयाला कखि इन नि हो कि तेरा खुट्टों मा ढुंगो से चोट नि लगालो।”

⁷यीशु ल वेमा बोलि, “परमेश्वर का वचन मा यु भि लिख्युं च कि तु प्रभु अपड़ा परमेश्वर की अजमैश नि कैर।”

⁸फिर शैतान वे तैं एक भौत ऊंचा पौड़ पर ली गै अर सैरा जगत का राज्य अर ऊंको धन दौलत तैं दिखै के

⁹शैतान ल यीशु कु बोलि, “जु तु मि तैं झुकि के प्रणाम कर आराधना करली त मि यु सब कुछ त्वे तैं दे दयुलु।”

¹⁰तब यीशु ल वेमा बोलि, “हे शैतान दूर हवे जा” किलैकि परमेश्वर का वचन मा लिख्युं च “तु प्रभु अपड़ा परमेश्वर तैं प्रणाम कैर अर भस वेकी आराधना कैर।”

¹¹तब शैतान वेका संमणी बट्टी चलि गै अर स्वर्गदूत वेकी सेवा-टहल करदा छा।

¹²जब यीशु ल यु सूंणि कि यूहन्ना पकड़ी के जेल मा बंद किये गै त तब यीशु गलील मा ऐ अर लुखुं तैं परमेश्वर का राज्य कु शुभ सन्देश कु प्रचार कैरी।

¹³अर नासरत नगर तैं छोड़ी के यीशु अर वेका चेला कफरनहूम शहर मा जु झील का छाला कफरनहूम क्षेत्र का गलील जिला का समुद्री छाला पर छो जख जबूलून अर नप्ताली का गोत्र रौंन्दा छा।

¹⁴इलै की जु यशायाह परमेश्वर का तरपां बट्टी बुल्ण वला का द्वारा बुलै गै छो उ पूरो हवे जौ

¹⁵“जु लुखुं मा लोग जु जबूलून गोत्र का अधिकार वलो क्षेत्र मा अर नप्ताली को गोत्र का अधिकार वली जमींन पर रौंन्दा छा झील का बट्टा बट्टी यरदन गाड का छाला अन्यजातियों कु गलील जिला

¹⁶जु लोग अंधेरा मा रौंन्दा छा ऊंल बड़ो उज्यला देखि, जु परमेश्वर तैं नि जंणदा छा अर अनन्त मृत्यु कु जन्दा छा ऊंल मुक्ति कु मार्ग देखि।”

¹⁷वे बगत बट्टी यीशु ल प्रचार कन अर यु बुल्ण शुरू कैरी “मन फिरावा किलैकि स्वर्ग कु राज्य नजदीक ऐ गै।”

¹⁸एक दिन गलील जिला कि झील का छाला ही छाला जै के यीशु ल शमौन पतरस अर वेको भैय अन्द्रियास तैं झील मा जाल डल्द देखि “किलैकि उ मछेर छा।”

¹⁹अर यीशु ल ऊंकु बोलि, “मेरा पिछनैं आवा, मि तुम तैं लुखुं तैं मेरा शिष्य बनणै की शिक्षा दयुलु ठिक उन ही जनकै तुम माछा पकड़दियां।”

²⁰उ अपड़ा कामों अर जालों तैं छोड़ी के वेका चेला बंणि के वेका पिछनै चलि गैनी।

²¹अर यीशु जरा अगनैं बड़ी के अर वेल देखि कि, जब्दी का नौंना, दुई भैय जै कु नौं याकूब अर यूहन्ना छो ऊं तैं नाव मा जालों तैं सुधरद देखि। अर यीशु ल ऊं तैं भि बुलै।

²²अर उ अपड़ा बुबा जब्दी अर मजदूरों तैं नाव मा जालों दगड़ी छोड़ी के वेका शिष्य बनण कु यीशु का पिछनै चलि गैनी।

²³अर यीशु ल जै के गलील जिला का सभि जगहों की यात्रा कैरी जगह-जगह गैनी अर यहूदियों का मिलणा का भवन मा जै के शुभ सन्देश प्रचार करदी अर लुखुं कि सभि बिमारी अर कमजोरि तैं दूर कनु रै।

²⁴अर सैरा सीरिया प्रदेश का देश[8] मा वेकी हाम फैली गै अर लोग सभि बिमारों तैं जु बनि-बनि बिमारियों मा अर दुःखों मा जकड़य्यां छा अर जौंमा दुष्टात्मा छै अर मिर्गि वलो तैं अर लकवा का रोगियों तैं वेमा लैनि अर यीशु ल ऊं तैं खूब कैरी।

²⁵गलील जिला अर दिकापुलिस जैकु मतलब च दस शहर यरूशलेम शहर, यहूदिया प्रान्त अर यरदन गाड का छाला बट्टी एक भौत बड़ी भीड़ वेका पिछनैं हवे गै।