Read Garhwali मरकुस 12 Bible Online

मरकुस 12 - Garhwali bible

मरकुस 12

¹फिर वेका बाद यीशु यहूदी अगुवों तैं मिसाल दे के ऊंका दगड़ा मा बात कन लगि गै, “एक आदिम ल अपड़ा अंगूर का बगिचा मा कुछ अंगूर लगैन अर वेका चौतरफी बाड़ भि बंधि अर रस कु कुंड भि खैणि अर गुम्मट बणै अर किसानों तैं किराया पर दे के एक लम्बी यात्रा मा परदेश चलि गै।”

²फिर जब अंगूर का बगिचा मा अंगूरों की फसल कु बगत ए त वेल जूं किसानों तैं अंगूरों कु बगीचा किराया पर दे छो उ मुं एक नौकर भेजि कि अंगूरों कु लाभ कु हिस्सा ले के औ।

³पर किसानों ल वे तैं पकड़ी के पीटि दींनि अर खालि हथ स्वामि मा लौटे दींनि।

⁴फिर बगिचा का स्वामि न एक हैंको नौकर किसानों मा भेजि अर ऊंल वे तैं मारि के वेको कपाल फोड़ि दींनि अर वेकी बेज्जती कैरी दींनि।

⁵फिर बगिचा का स्वामि ल एक और तैं भेजि अर जूं किसानों तैं अंगूरों को बगीचा किराया पर दे छो ऊंल वे तैं खत्म कैरी दींनि तब वेल और भि भौत भिजिनि ऊंमा बट्टी कथगों तैं ऊंल पीटि अर कथगों तैं खत्म कैरी दींनि।

⁶अब भस एक रै गै छो जु वेको प्रिय नौंनो छो आखिर मा वेल वे नौंना तैं भि इन सोचि के कि उ वेको आदर करला किसानों म भेजि।

⁷पर जब किसानों ल देखि की अब स्वामि को नौंनो ए त उ किसानों ल आपस मा बोलि, यु त वारिस च आवा यु तैं मारि दींदां अर तब सभि अंगूरों कु बगीचा हमारो हवे जालो।

⁸अर किसानों ल वे तैं खत्म कैरी दींनि अर लांश तैं अंगूर का बगिचा का भैर डोल दींनि।

⁹इलै अब अंगूर का बगिचा कु स्वामि क्य करुलु? उ ऐ के ऊं किसानों तैं जान से मारि दयालो अर अंगूरों का बगिचा तैं दुसरा किरायादारों तैं दे दयालो।

¹⁰हकीकत मा तुम ल परमेश्वर का वचन पढ़ी, “कि जै ढुंगा तैं मिस्त्रियों ल निक्कमो ठैरे छो उ ही सबसे खास ढुंगो हवे गै।”

¹¹यु प्रभु परमेश्वर कि तरपां बट्टी हवे अर य हम कु भौत अद्भुत बात च।[5]

¹²तब यहूदी अगुवा समझी गै छा कि यीशु ल ऊंका बारा मा या मिसाल दींनि इलै उ वे तैं पकड़ण चांणा छा पर उ लुखुं से डरिनि अर वे तैं छोड़ी के चलि गैनी।

¹³तब यहूदी अगुवों ल यीशु तैं बातों मा फंसाणु कु कुछ फरीसियों तैं अर कुछ हेरोदियों का समर्थकों तैं वे मा भेजि।

¹⁴अर ऊंल ऐ के यीशु म बोलि, “हे गुरु हम जंणदा छा कि तुम हमेशा सच बुल्दियां अर कै से नि डरदयां की लोग क्य सुचला किलैकि तु सभियूं तैं समान आदर से चाहे उ कुई भि हो बरतौ करदी अर परमेश्वर कु बाटु सचै से बतौंदयां त क्य कैसर तैं कर दींण सै च?”

¹⁵अर क्य हमारो दींण ठिक च, वेल ऊंकु कपट जांणि कै ऊंमा पूछि, तुम मि तैं कुछ गलत बुल्ण कु किलै फंसाणा छा? एक दिन की मजदूरी मि मा ल्यावा कि मि वे तैं दिखलु।

¹⁶उ लैनी अर यीशु ल ऊंमा बोलि, य छाप अर नौं कै को च ऊंल बोलि, “कैसर रोम सम्राट को।”

¹⁷यीशु ल ऊंमा बोलि, “जु कैसर बट्टी जुड़ियूं च वे तैं कैसर तैं द्यावा अर जु परमेश्वर बट्टी जुड़ियूं च वे तैं परमेश्वर तैं द्यावा तब उ, ऊं पर भौत भैचक कन लगि गैनी।”

¹⁸फिर सदूकियों ल जु यहूदी शिक्षकों को एक झुण्ड छो भि जु बुल्दींनि कि, मुरयां मनिख्युं को ज्यून्दो हूंण हवे नि सकद यीशु मा ऐ के पूछि

¹⁹“हे गुरु मूसा की व्यवस्था म लिख्युं च, जु कुई निसंतान मोरि जौं अर वेकी जनन रै जौं त वेको भैय वेकी विधवा घरवलि का दगड़ी ब्यो कैर अर ऊंको पैलो नौंनों वेका मुरयां आदिम कु संतान पैदा कैरो।”

²⁰एक परिवार म सात भैय छा अर सबसे बड़ो भैय ब्यो कैरी निसंतान मोरि गै।

²¹तब दुसरा भैय ल वीं जनन का दगड़ा ब्यो कैरी दींनि अर उ भि निसंतान मोरि गै अर उन ही तिसरा ल भि कैरी।

²²अर सातों भैय बट्टी वीं को ब्यो हवे अर सती भैय बगैर बच्चों का ही मोरि गैनी अर सभियूं भैय का पिछनै व जनन भि मोरि गै।

²³त हम तैं बतौ, कि ज्यून्दो हूंण पर व ऊंमा बट्टी कैकी जनन हवेलि? किलैकि व सातों भैय कि जनन हवे गै छै।

²⁴यीशु ल ऊंकु बोलि, तुम द्वी कारण से भूल कना छा क्य तुम इलै भूल मा नि पुड़यां छा मोरि के ज्यूँदो हूंण का बारा मा परमेश्वर का वचन मा लिख्युं च न ही परमेश्वर कि सामर्थ तैं जु मुर्दों बट्टी ज्यून्दो करद?

²⁵किलैकि जब उ मुर्दों मा बट्टी ज्यूंदा होला त ऊंल न त ब्यो कन, न ब्यो मा दिये जांण पर स्वर्ग मा स्वर्गदूत कि तरौं होला।

²⁶मुर्दों का ज्यूंदा हूंण का बारा मा तुम ल मूसा कि व्यवस्था मा जलती झाड़ी की मिसाल नि पैढ़ी कि परमेश्वर ल वेकु बोलि, “मि अब्राहम कु परमेश्वर, इसहाक कु परमेश्वर, याकूब कु परमेश्वर छौं।”

²⁷परमेश्वर मुरयां मनिख्युं कु न बल्कि ज्यूंदों कु परमेश्वर च त तुम बड़ी भूल मा पुड़यां छा।

²⁸अर मूसा की व्यवस्था तैं सिखांण वलो जु मा बट्टी एक ल यहूदियों का शिक्षको कु एक झुण्ड छो आपस मा चर्चा करद सूंणि अर यु जांणि कि वेल यीशु तैं पूछि, “परमेश्वर की सभि आज्ञाओं मा जु परमेश्वर ल दे सबसे मुख्य आज्ञा क्य च?”

²⁹यीशु ल वे तैं जवाब दे सभि आज्ञाओं मा बट्टी या आज्ञा मुख्य च “हे इस्राएल का लुखुं सूंण प्रभु हमारो परमेश्वर जैकी हम भक्ति करदयां उ एक ही प्रभु च”

³⁰अर तु प्रभु अपड़ा परमेश्वर से अपड़ा सैरा मन से अर अपड़ा सैरा प्राण से अर अपड़ी सैरी बुद्धि से अर अपड़ी सैरी ताकत से प्रेम रखि।

³¹अर दुसरी या च कि जन प्रेम रख तु अफ बट्टी रखदि उन ही तु दुसरा लुखुं बट्टी भि रखा अर यां बट्टी बड़ी और महान आज्ञा कुई नि च।

³²मूसा की व्यवस्था तैं सिखांण वलो ल वेमा बोलि, “हे गुरु भौत ठिक तुम ल सच बोलि, कि परमेश्वर एक ही च अर वे तैं छोड़ी के और कुई परमेश्वर नि च।”

³³अर वे एक ही परमेश्वर तैं तु अपड़ा सैरा मन, अपड़ा सैरी बुद्धि, अर अपड़ा सैरा प्राण अर अपड़ी सैरी ताकत से प्रेम रख, यु सैरा बलिदानों अर सैरा दानों मा दींण से बढ़ि के च।

³⁴जब यीशु ल देखि कि वेल समझदारी ल जवाब दे त यीशु ल बोलि, “तु परमेश्वर का राज्य मा प्रवेश पांणा का नजीक छै अर तब कै तैं भि अर ऊंमा कुछ सवालों तैं पुछणो कु हिम्मत नि हवे।”

³⁵फिर यीशु ल यरूशलेम शहर का मन्दिर मा उपदेश दींण बगत इन पूछि, कि “मूसा की व्यवस्था तैं सिखांण वला कनके बुल्दींनि कि मसीह दाऊद कु वंशज च?”

³⁶जब पवित्र आत्मा ल राजा दाऊद मा हवे के बोलि, “प्रभु परमेश्वर ल मेरा प्रभु कु बोलि, कि मेरा दैंणा तरपां सम्मान अर अधिकार का सिंहासन मा बैठ जब तक कि मि तेरा दुश्मनों तैं नि हरै द्यों।”

³⁷जब राजा दाऊद ही मसीह कु प्रभु बुल्दो त फिर उ वेको वंशज कनके ठैरी? अर भीड़ का लोग वेकी बातों तैं खुशी से सुणदा छा।

³⁸यीशु ल अपड़ा उपदेश म ऊंकु बोलि, मूसा की व्यवस्था तैं सिखांण वलो से चौकस रयां जु लम्बा-लम्बा चौला पैरी के समाज का बीच घुमण अर बाजारों मा सम्मान का दगड़ी प्रणाम

³⁹अर यहूदियों का मिलणा का भवन मा अर भोज मा भि सम्मान कु आसण चन्दिनि।

⁴⁰उ विधवों का घौर तैं खै जंदींनि जांको मतलब च बेमानी ल हर चीज पर अपड़ो कब्जा कैरी दींदिनि अर लुखुं तैं दिखांणु कु भौत देर तक पिता परमेश्वर बट्टी प्रार्थना करदींनि ऊं ल पिता परमेश्वर बट्टी जादा सजा पांण।

⁴¹परमेश्वर बट्टी मन्दिर का भंडार का संमणी यीशु बैठी के दिखणु छो कि लोग मन्दिर का भंडार मा कन कै पैसा डलदींनि अर भौत सैरा सेठु ल भौत धन डाली छो।

⁴²इथग मा एक गरीब विधवा ल ऐ के द्वी दमड़ि ज्यांको मतलब द्वी तांबा का सिक्का छा जुंकि सभि लुखुं का संमणी कुई कीमत नि छै डलिनि।

⁴³वेल अपड़ा चेलों तैं नजीक बुलै के ऊंकु बोलि “मि तुम मा सच बुल्णु छौं कि परमेश्वर बट्टी मन्दिर का भंडार मा दान डलण वलो मा बट्टी ई विधवा ल सबसे जादा अर बड़ी के डाली।”

⁴⁴किलैकि सभियूं ल जु धनवान छा अपड़ा धन कि बढ़ती मा बट्टी जु कै कम डाली पर वीं ल अपड़ी घटति मा बट्टी जु कुछ वीं मा छो जै तैं व अपड़ा जरूरत कु इस्तेमाल कैरी सकदी छै डाली दींनि।