Read Garhwali लूका 16 Bible Online

लूका 16 - Garhwali bible

लूका 16

¹फिर वेल चेलों कु भि यु मिसाल मा बोलि, “कै सेठ को एक भंडारी छो अर लुखुं ल वेमा वेका भंडारी पर भंगार लगै कि उ तेरी सैरी धन दौलत उड़ाणु च।”

²त धनवान ल भण्डारी तैं बुलै कै बोलि, यु क्य च जु मि तेरा बारा मा सुनणु छौं? तिल मेरा धन कु क्य कैरी अपड़ो हिसाब बतौ किलैकि अगनैं अब तिल भंडारी नि रांण।

³तब भंडारी सुचण लगि गै कि अब मि क्य करलो? किलैकि मेरू स्वामि मि बट्टी भंडारी कु काम छिनणु च। माटु त मिल नि खैणि सकण अर भीख मंगण मा मि तैं शर्म आंदी।

⁴अब मि समझी ग्यों कि मिल अब क्य कन कि जब मि भंडारी का काम बट्टी छुड़ैये जौलु त लोग मेरी मदद करला।

⁵तब वेल अपड़ा स्वामि का देणदारों तैं एक-एक कैरी कै बुलै अर पैला तैं पूछि, त्वे पर मेरा स्वामि को कथग कर्ज च?

⁶वेल बोलि, सौ मन जैतून कु तेल वेल बोलि, यु अपड़ो खाता बै बैठी इलै दुसरा नयो खाता मा बदली के पचास लिखीं दे।

⁷फिर वेल हैंका तैं पूछि, त्वे पर कथग कर्ज च? वेल बोलि, सौ मन ग्यूं का बीज त वेल वेको बोलि, अपड़ो खाता बै पकड़ अर अस्सि लिखीं दे।

⁸मालिक ल वे अधर्मी भंडारी कि पुलबैं कैरी कै कि वेल बड़ी चकड़ैति से काम यु सच च की यु जन यु दुनिया का लोग अपड़ा बगत का लुखुं का दगड़ी बरतौ कन मा उज्यला का लुखुं बट्टी जादा चालाक च।

⁹अर मि तुम मा बुल्णु छौं कि अधर्म का छौंद अफ कु दगड़िया बणै इलै की जब तक पैसा कु इस्तेमाल नि कैर सकदु अर्थात जब तुम मौर जैला, त अनन्तकाल का डेरा मा तुमारो आदर किये जालो।

¹⁰जु छुटी-छुटी बातों मा ईमानदार च, उ बड़ी बातों मा भि ईमानदार होलो अर जु भौत छुटी बातों मा बेमान च, उ बड़ी बातों मा भि बेमान ही च।

¹¹इलै जब सांसारिक धन मा ईमानदार न ठैरा, त स्वर्गीय धन तुम तैं कैल सौंपण?

¹²अर जु तुम पराया धन मा ईमानदार नि ठैरला, त कैल तुम तैं अपड़ा आप तैं प्रबंध कनु कु कुछ दयाला?

¹³कुई मनिख एक ही बगत पर द्वी स्वामियों कि सेवा नि कैरी सकद किलैकि उ एक बट्टी बैर अर दुसरा बट्टी प्रेम रखलो या एक कु ईमानदार रालो अर दुसरा तैं तुच्छ जंणुलो तुम परमेश्वर अर धन दियूं कि सेवा नि कैरी सकदां।

¹⁴फरीसी जु लोभि छा यु सभि बात सूंणि के वेको मजाक कन लगि गैनी।

¹⁵यीशु ल वेमा बोलि, “तुम त लुखुं का संमणी अफ तैं धर्मी दिखण पसंद करदयां पर परमेश्वर तुमारा मन तैं जंणदु च किलैकि ज्वा चीज मनिख्युं कि नजर मा महान च उ परमेश्वर का नजीक तुच्छ च।”

¹⁶जब तक यूहन्ना बप्तिस्मा दींणवलों ऐ, तब तक मूसा द्वारा लिखीं परमेश्वर की व्यवस्था अर परमेश्वर का तरपां बट्टी बुल्ण वला का तुम्हरो मार्गदर्शक च इलै अब स्वर्ग का राज्य कु शुभ सन्देश प्रचार किये जांद अर हर कुई भितर जांणु कु उत्सुक च।

¹⁷आसमान अर धरती त टलि जाली पर मूसा द्वारा लिखीं परमेश्वर की व्यवस्था कि एक भि मात्रा या एक बिंदु भि बगैर पूरी हुयां नि टललो।

¹⁸“उदाहरण कु कुई आदिम अपड़ी घरवलि तैं तलाक दे के हैंकी जनन का दगड़ा मा ब्यो करलो त तब उ वीं पैली का खिलाफ व्यभिचार करदो अर जु घरवलि अपड़ा आदिम तैं छोड़ी के हैंका आदिम का दगड़ा मा ब्यो कैर त व भि व्यभिचार करदी।”

¹⁹यीशु ल एक और मिसाल सुणै एक धनवान मनिख छों जु मलमल का बैंगनी कपड़ा पैरदो छो अर हरेक दिन सबसे बढ़िया खांणु करदो छो।

²⁰वेका चौक मा लाजर नौं कु एक कंगाल जै की देह मा फोड़ा छा लये जान्दु छो अर धनवान मनिख का फाटक पर बठैये जान्दो छो।

²¹अर उ चांदु छो कि धनवान मनिख का खांणा का बाद फिक्यां टुकड़ों ल अपड़ो पुटगा भोरु इख तक कि कुकुर भि वेका घौ चाटदा छा।

²²अर तब इन हवे कि उ गरीब मोरि गै अर स्वर्गदूत ल वे तैं अब्राहम मा सम्मान का जगह पर पौंछै दींनि, अर उ सेठ भि मोरि गै अर वे तैं दफनै दींनि।

²³अर तब नरकलोक मा दुख मा पोड़ी कै अपड़ा मथि देखि अर दूर बट्टी अब्राहम मा लाजर तैं देखि।

²⁴तब वेल ऊंची आवाज मा चिल्लै कै बोलि, हे बुबा अब्राहम मि पर दया कैरी कै लाजर तैं भेजि दे कि उ अपड़ी अंगुली तैं पांणी मा भिगै के मेरी जीभ तैं ठंड़ो करलो किलैकि मि ईं ज्वाला मा पिड़ा मा छों।

²⁵पर अब्राहम ल बोलि “हे बेटा याद कैर तिल अपड़ा जीवन मा भलि चीज लींनि अर लाजर तैं सभि बुरी चीज मिली पर उ अब इख शान्ति पांणु च अर तु पिड़ा मा छै।”

²⁶यूं बातों का अलावा हमारा अर तुमारा बीच एक भौत बड़ी खाई च जु कुई इख बट्टी तैं छाला आंण चौ वेल नि जै सकण अर न तख बट्टी कैल ये छाला ऐ सकण।

²⁷त वेल बोलि, हे बुबा जी मि तुम मा बिनती करदु कि तुम लाजर तैं मेरा बुबा का घौर भेजा

²⁸किलैकि मेरा पाँच भैय छिन अर मि चांदों छों की उ जौं अर मेरा भयों तैं चेतावनी द्या, इन नि हो कि उ भि ई दुख भरीं जगह ऐ।

²⁹अब्राहम ल वेको बोलि, ऊं तैं चेतावनी दींणु कु मूसा द्वारा लिखीं परमेश्वर की व्यवस्था अर परमेश्वर का तरपां बट्टी बुल्ण वलो का लेख छिनी ऊं तैं वेकी सुनण चयण अर वेको पालन कैरी के मन फिराण चयणु च।

³⁰वेल बोलि, न हे बुबा अब्राहम पर कुई अर तुम तैं चेतावनी दे, त उ अपड़ा पापों कु पश्चाताप कैर अर मन फिरा।

³¹वेल वेकु बोलि, “जब उ मूसा द्वारा लिखीं परमेश्वर की व्यवस्था अर परमेश्वर का तरपां बट्टी बुल्ण वलो की आज्ञा नि मणदींनि त कुई भि मुरयां मा बट्टी ज्यूँदो हवे जौ, तब भि वेकी बातों पर विश्वास नि करिल्या।”